【肥媽李鼎】肥媽講買樓30歲一炮過買兩層　游嘉欣目標5年內置業：係人生高峰

飲食節目《肥媽李鼎》逢周一至三晚播映，節目由Maria Cordero（肥媽）、李家鼎（鼎爺）及游嘉欣（游游）擔任主持。

今晚（4月2日）播出的第5集主題為「懷念的味道」，肥媽指自己最深刻的菜式是「冬菜蒸牛肉」，肥媽透露媽媽會在牛肉中加入麥皮，除了令口感變得更細滑，亦令「肉量」大增，肥媽笑指是媽媽傳授的秘方。

最新影片推介：何依婷專訪

銀行戶口只36蚊

肥媽說：「我阿媽問我點解唔買牛肉蒸肉餅，我話好貴喎，有一日我唔打斧頭儲錢買啦，蒸完出嚟成家人喺度鬧，細佬妹係咁話好『鞋』，我問阿媽點解會咁，佢Kam Kam聲喺度笑，然後先講畀我聽（真相）呀。」

講到最窮困的時候，肥媽稱只得36蚊在銀行戶口，但要養6個仔女，每日都諗計如何賺錢。

▲ 肥媽最難忘媽媽嘅「冬菜蒸牛肉」，喺牛肉入面加麥皮。

肥媽並說：「試過有一日揸住支茄汁同豉油，個仔望住我搖頭，我就點頭，佢話冇餸呀？我話係呀，咁咪茄汁同豉油撈飯囉！」

鼎爺最潦倒時則靠滷水雞翼維生，他說：「廿蚊雞翼食一個禮拜，雞全翼一餐食兩隻，有味咪得囉，最緊要係碗飯之嘛！」而游游的童年味道是撈冷麵，並即場炮製給肥媽和鼎爺品嚐，惟鼎爺似乎不太欣賞：「講句得罪啲，係冇層次㗎！」

▲ 肥媽講番起第一次買樓仲係好開心。

肥媽托麵粉養成頭家

明晚（4月3日）播出的第6集，主題是「高低的人生」，肥媽指當年自己靠托麵粉養起成頭家，一個女人仔一次能托起三包重50磅的麵粉，非常犀利，肥媽說：「當年係有自己同自己鬥，同自己講一定要托起佢，托唔起就冇飯食！」

肥媽續指當年靠托麵粉賺到2千多元一個月。至於鼎爺年幼時則靠批馬蹄和剝核桃幫補家計，由早上9點剝到晚上6點，同樣辛苦。

談到買樓話題，23歲的游游希望5年內上車：「我覺得可以置業係人生高峰。」肥媽透露首次置業經歷，她說：「我記得我哋上樓時，細仔係摸住塊牆係咁啜，全家人第一次買樓，係開心到形容唔到！」

▲ 鼎爺最潦倒時靠食滷水雞翼維生。

鼎爺71年上車

肥媽續指人生首次置業在30歲時：「有咗6個仔女之後先買，記得用咗28萬買，我好豪㗎，一次過買兩層，412呎一層，上到樓落雨唔會漏水，直頭係夢想嚟！」

鼎爺透露自己大約於1971年首次置業，他說：「當時去咗台灣工作，6千蚊（人工）一個月，70年代6千蚊好緊要㗎喇。」鼎爺指當時打長途電話着母親睇樓，目標是畢架山或美孚一帶。

精彩獎賞活動等您發掘：https://bit.ly/3ClEy1R