【CHILL CLUB】AK拗柴Jeremy有圓滿新人年 姜濤感謝MIRROR兄弟教主感肉麻

娛樂 13:49 2023/05/08

分享:

分享:

《CHILL CLUB 推介榜 年度推介 22/23》於昨晚(5月7日)在亞博舉行,頒獎禮繼續以「人人樂壇,音樂第一」為主題 。

由楊樂文(Lokman)、江𤒹生(Anson Kong)、陳卓賢(Ian)、盧瀚霆(Anson Lo)、呂爵安(Edan)、陳瑞輝(Frankie)、王智德(Alton)、邱士縉(Stanley)、邱傲然(Tiger)、柳應廷(Jer)、李駿傑(Jeremy)與姜濤組成的人氣男團MIRROR橫掃7個獎項,成為大贏家!

【CHILL CLUB】ERROR為背後男人濟哥謀福利 保錡承諾繼續努力Dee單飛邀恆仔寫歌

(ViuTV截圖)

AK拗柴缺席訪問

頒獎禮上,教主憑《永順街39號》奪得「年度流行曲獎」;Jeremy奪得「年度新人男歌手」金獎;Ian奪得「年度唱作歌手」銀獎;MIRROR奪得「年度組合」金獎;教主、姜濤、Ian分別奪得「年度男歌手」金、銀、銅獎。

MIRROR於頒獎禮後接受訪問,不過只有11子現身,原來AK於跳舞期間拗柴受傷,需要休息而未能接受訪問。Lokman說:「我哋嘅副隊長頭先英勇受傷,跳《RUMOURS》時拗咗個大柴,快啲畀佢返屋企唞唞,汗都標埋!」

至於AK是否需要送院?Lokman表示未清楚他的情況,並謂:「當我哋完晒嘅時候見佢趷下趷下咁落台,我先至知佢整親,佢頂晒成個表演,佢冇出聲呀。」

【CHILL CLUB】COLLAR不齊人So Ching因病缺席 《我哋係COLLAR》或出國拍續集

點擊圖片放大
+7
+6

兩代金Jer

Jeremy補充:「好似一開頭佢第一句Solo就話已經整親,所以佢真係由頭到尾都Hold住自己嘅痛,好專業咁演出。」對於不斷有成員受傷,Lokman認為:「有啲運滯,但可能個運轉到最近大家啲腳比較差,在座咁多位都要小心。」

繼Jer後的新一代金Jer已誕生,Jeremy奪得新人金獎,他說:「好圓滿嘅新人年,好感謝每一位投票畀我嘅觀眾同Unicornsss。頭先係咁俾人圈,唔記得咗要多謝Carl叔叔(王雙駿),我每次俾人圈嘅時候都唔記得咗。」

問到Jeremy是否要請食飯?他大方道:「可以㗎。」並問Jer :「你請咗未㗎 ?」Jer未有回應,而Edan則笑言:「講咗好多年啦!」

(陳詠琪 攝)

Ian自嘲沒進步

Ian連獲兩獎,他感謝大家投票給我,「好難得嘅係大家會投票,身體力行支持你做出嚟嘅嘢。佢哋冇咁嘅義務、咁嘅責任去做,所以最需要多謝佢哋。」

他笑謂:「幾年前攞咗第一次銅獎,咁咪冇進步囉,隊長頭先話又係銅喎。要努力啲!」

兄弟回應姜濤

姜濤於台上有感而發,逐一多謝11位兄弟,「唔係事必有㗎嘛,希望自己繼續努力。今年發生咁多事,所以有獎攞我真係諗唔到。我已經有個重新開始嘅心態,所以有獎梗係開心,希望大家都繼續指點我哋。」

他續指:「事前已經諗咗好耐,我坐最後一排,見到前面兩排係MIRROR成員,突然諗如果我有呢個機會,就想表達出嚟。冇理由私底下特登搵大家嘛。」

Edan回應姜濤的感言:「梗係開心啦,我排第二喎,哈哈!但佢嘅排名應該每日都更新緊嘅。大家平時都真係好難開口講,所以收到姜老師嘅訊息,默默地記下了,多謝姜濤!」

(陳詠琪 攝)

至於皮皮和姜濤平時「一句都冇」,Ian笑言:「有代溝呀!」他其後補充:「佢(皮皮)今日有啲唔舒服。」皮皮謂:「其實平時見到姜濤有時唔開心,就費事撩起佢啲唔開心事,係一種相處方式。近排拍《12怪盜》都好咗,同佢傾多咗嘢,所以係OK嘅。之後會主動啲。」

教主回應姜濤的表白,「人生未試過一個咁公開嘅場合,收到咁窩心、咁感性嘅Statement。因為唔知個肉麻程度會升到幾高,最尾就用一句最肉麻嚟完。I love you too man!示愛其實真係Ichiban!」

教主於頒獎禮後立即致電給教母,「好想知佢第一個反應係點。我好少聽媽咪喊,但頭先大家一齊喺電話度佢又喊我又喊,𠵱家個人有啲唔冷靜,處於一個同屋企人好激動嘅狀態。」

最新影片推介:宋芝齡專訪

上日本The First Take

兩位金Jer一同上日本的The First Take,Jer表示:「好開心,係一種肯定。」Edan則笑指:「日本人話佢似鱆魚。」Jer回應:「個日本人一定係你!」Jeremy表示:「希望我哋呢個Version可以帶到唔同嘅感動同Energy畀到世界上其他人。」

至於二人於The First Take中錄了多少首歌,以及下次是否到姜濤和教主一起上The First Take,MIRROR都大賣關子,叫大家猜猜。

Edan推出新歌

今天推出新歌的Edan不忘向大家介紹新作《 #ChatMrE 》,前面的Ian笑謂:「『E』for Ian,大家唔好Get錯,佢(爵安)畀我㗎!」

記者:梁樂欣

精彩獎賞活動等您發掘:https://bit.ly/3ClEy1R