【野外步出3】方紹聰拍到第3季無限感觸 黃紫恩入TVB兩個月想辭職

娛樂 14:21 2023/05/18

分享:

分享:

《野外步出3玩野加大馬》方紹聰與黃紫恩。

身兼監製及主持的方紹聰(奶仔)在J2節目《野外步出3玩野加大馬》最後2集找來J2er黃紫恩(Jojo)齊齊挑戰自我,大玩潛水、越野車、滑翔傘等極限運動,其間Jojo不但繼續發揮勇者本色玩得異常投入,更學乜都勁快上手。

之後,二人轉戰魚池「啜腳皮」,體驗由差不多兩呎長的錦鯉「啜腳皮」感受,其間大曬玉腿的Jojo猛叫「好爽」。

奶仔學懂更有擔帶   

在明晚(5月19日)播的最後一集《野外步出3玩野加大馬》,奶仔與Jojo完成最後挑戰後促膝長談,奶仔指Jojo是繼Karen後,第二位擁有「野外步出」tee的藝人,他對Jojo說︰「着咗件衫之後,以後《野外步出》除了我同Karen之外,就加埋你。」

談到《野外步出》系列來到第3季,奶仔坦言無限感觸,透露今季是首度與嘉賓合作,因而學懂更有擔帶,照顧同行人感受的同時,也要確保各人安全。

奶仔又強調今輯印象最深刻是玩笨豬跳︰「玩完嗰刻內心份喜悅係唔單止係完成一份工作,就好似《野外步出》唔止係一個旅遊節目,而係我成長嘅過程,令我更加認識自己,係一個人生重要嘅體驗。」 

入TVB兩個月想辭職

Jojo則自爆加入TVB是其從小到大的夢想:「所以我一畢業就加入呢個大家庭」她又謂最初充滿挫敗感︰「主要係來自比較,會諗點解人哋啲稿咁順嘅、個妝咁靚、個頭咁靚嘅…呢個圈有太多好靚、好聰明,同比我更加好嘅人。頭兩個月好想寫辭職信,同公司講我真係做唔到落去。」

Jojo透露情況最差時,一度患上「鏡頭恐懼症」,只要對著鏡頭便講不到對白,但在家人面前又要扮到若無其事,Jojo續說︰「嗰時食完飯就會返房,因為唔想畀屋企人睇到自己唔開心。」

雖然Jojo極力掩飾不開心,但仍是逃不過媽媽雙眼,那一輪向來早睡的黃媽媽除了經常半夜三更問Jojo吃不吃宵夜,更試過晚飯期間向愛女「攤牌」,Jojo強忍淚水憶述當時「媽媽的暖心話」:「女呀,如果你真係做得唔開心,你唔好做喇,媽咪養你。」

她坦言,當時非常感動,並因而打了強心針,自此抱著「鬧就應打就企定」的工作態度一路走到現在,足證家人支持的重要性。

奶仔事後受訪時稱,覺得參與《野外》系列最奇妙的地方,是讓觀眾透過節目見證他的成長,說︰「由第一季好free style做主持,慢慢演變到第二季注重咗主持同談吐技巧,到今季做埋監製最大改變係,以前覺得節目好睇係最重要,依家就工作人員同嘉賓嘅安全同開心先係最重要。」

他又謂十分感激台前幕後的用心參與︰「覺得《野外步出3》係有血有肉嘅節目,因為我同工作人員都有相同嘅經歷同感受。」奶仔續指最開心是近日走在街上,不少觀眾均大讚他「大個仔咗」。

最新影片推介:劉江專訪

撰文 : TOPick柴犬出動