【News新聞女王】劇組驚喜Party賀佘詩曼生日 阿佘粉絲貼心應援無限供應水果飲品

娛樂 15:49 2023/05/28

分享:

分享:

阿佘佘詩曼今日生日,向來圈中人緣極佳的她,日前獲眾好友包括「七魔女」率先為她舉行生日派對預早慶祝。

而昨晚(5月27日)阿佘為TVB新劇《News新聞女王》開工,正當阿佘以為劇組如常放晚飯時,李施嬅、高海寧、王敏奕、何廣沛、林正峰連同監製鍾澍佳、導演等幕前幕後送上驚喜,突然推出3大個特製蛋糕,兩束鮮花,加巨型生日卡;全場唱生日歌送上無限祝福,搞到阿佘相當感動。

一眾演員早已夾好阿佘開工檔期,知道壽星女生日前夕會返廠景,施嬅就訂了阿佘喜歡泰國菜,高海寧就負責安排生日蛋糕。

【視后生日】佘詩曼獲圈中好友提前慶生玩得瘋狂 收新聞女王造型蛋糕超開心

施嬅謂:「記得第一日同佘佘拍外景,聽她講過鍾意食泰菜,特別是柚子沙律,所以一早Check晒佘佘通告,知佢今日開廠,就夾定今日放飯時安排送上泰國菜。」

阿佘興奮地說:「施嬅好記性,好sweet!高寧今朝收工仲係咁同我講bye bye , 原來大家交戲,我真係好開心,因為我哋喺呢個Office廠景差不多拍咗一個月,大家好熟好熟,相處好像一家人,拍得好開心,真心多謝大家送畀我呢個生日Party。」

點擊圖片放大
+10
+9

佘佘粉絲貼心應援

向來人緣佳朋友多的阿佘,生日月要工作中度過:「咁樣有另一種開心,好有力量咁!剛才我吹蠟燭前許願,願望梗係關於我哋(新聞女王團隊),明天首要『自然醒』,稍後慶祝安排先再諗。」

至於一班佘佘粉絲亦相當有心,早前趁阿佘拍攝《News新聞女王》廠景,特意為整個劇組送上應援,有生日蛋糕、水果、 飲品等無限供應,既令阿佘驚喜萬分,亦令團隊上下得益。

最新影片推介:趙璧渝專訪

撰文 : TOPick柴犬出動