岑珈其拍建造業廣告　曾當建築工人：人工仲...哈哈哈

岑珈其早前為建造業界推廣計劃拍攝宣傳廣告，飾演經典版廣告主角個孫，穿越到經典廣告中尋找「爺爺」。而且經典廣告對白因應時代而修改為「呢條東區走廊同M+博物館佢都有份起」，向原版廣告致敬，延續經典。

珈其在現實中也當過建築工人，他說︰「出道初期工作冇咁穩定，曾經做過建築工人維持生計，『人工仲...哈哈哈』，所以係一個好好嘅經歷。今次喺廣告裏面，我嘅爺爺同我都係建造業界人士，廣告想帶出由1980年代至今，建造業一直都係幾代人嘅筍工，足夠安居樂業。」

拍攝當日，珈其憑空想像自己與經典版本廣告主角互動，演技備受考驗。他說︰「我一睇原片就勾番起啲回憶，好快就記得晒啲情緒，拍攝好順利！」

除復刻經典對白，珈其對全新廣告片一開首的辦公室記憶最深刻：「一講起建造業，大家都會即時諗起工地工作。其實除咗前線工友之外，建造業嘅工種範疇好廣闊，例如係拍廣告時我所飾演嘅文職工作等。希望大家睇完廣告之後，有興趣加入建造業搵份筍工之外，仲會了解多啲建造業嘅現况同發展機遇。」

最新影片推介：