【擁抱後的歌】Ian因閱讀啟發創作靈感　陳卓賢：寫一封信俾童年嘅自己

今年全程投入創作的MIRROR成員陳卓賢（Ian），繼《再見寧靜海》及《抱抱無尾熊》後再推出新歌《擁抱後的歌》，以最真摯、直率的態度演繹新作。在推出新歌的同時，勤力的Ian亦透露正密鑼緊鼓準備下一首新作，教人期待。
 
新歌《擁抱後的歌》由Ian作曲，周耀輝填詞，是二人繼潘宇謙《天黑時想跟你到白頭》後的二度合作，歌曲靈感源自Ian一次閱讀後感，Ian說：「寫呢首歌嘅時候，我睇緊一本書，係講寫一封信俾童年嘅自己，當時我諗，如果見到童年嘅自己會講啲咩呢？諗咗一輪，發現原來係冇咩可以同佢講，亦都唔會特別同佢講啲乜嘢，最多只係送上一個擁抱，所以就有《擁抱後的歌》嘅誕生。」

【拉闊音樂會】江𤒹生x陳蕾x陳卓賢各展魅力　勁舞靚聲帶來視聽享受 【多圖】

每日工作有血有汗

《擁抱後的歌》談的是人生到了某個階段、某個年紀，再遇童年自己時的忠告，但同時亦是童年的自己審視現在的我時的叮嚀。

Ian以自己為例去解說，道：「以前做運動員，日日流緊汗，又或者每日工作都有血有汗，獻上嘅擁抱，代表我知道你嘅有血有汗，但唔緊要，係合理㗎！因為呢啲代表成長印記。」歌詞中的首句「原來天天有汗　原來天天大個」就已一語道破當中的辛酸與理解。

《擁抱後的歌》亦是送給Inner Me（內在的我）的一首歌，Ian說：「日常生活中我哋未必察覺到佢，可能因為好少時間同自己傾偈，但自己同自己對話嘅時候，就會發現喺心裡面其實住咗另一個自己。」

打從心底真摯感受

歌曲看似是Ian很Personal的一首歌，但從另一角度去看，歌曲亦談及人與人之間的關係，Ian分享道：「不論同朋友又好，親人又好，相信呢個世界每一種關係，就算幾親密都好，都有散席嘅一日，所以呢首歌，都可以作為一段關係告終同離別嘅見證。」
 
《擁抱後的歌》是打從心底的真摯感受，所以這次Ian不論在拍MV或錄音時都用最簡單直接的方法去處理，Ian道：「MV唔會好似以前咁要拍攝好長時間，要分shot令到件事畫面好豐富，簡單直接就可以。」

他進一步稱：「錄音亦都係，以往錄音都係錄兩個Session，今次只係錄咗個幾鐘，用咗一個好冇修飾、最直接、最instant嘅方式，呈現出由心而發嘅感情，呢個係最想俾大家聽到。」

創作力澎湃
 
回顧2023年過去7個月，Ian已出了3首作品，但Ian似乎未夠喉，他說：「其實想出愈多愈好，我嘅目標之前想出5首，但而家想嘗試下會唔會可以出到6首。」

他續指：「其實今日拍MV嘅時候，我嘅下一首歌已經進入準備灌錄嘅階段，想早啲錄定，早啲拍MV，然後可以早啲俾大家聽到。剩返幾個月就到2024年，希望出到心目中預期嘅5至6首歌！」

最新影片推介：徐蒨寧與奶奶專訪