【抽】MC張天賦初到台灣拍MV 甘願做女主角詹子萱司機

娛樂 17:09 2023/07/26

分享:

分享:

張天賦跟詹子萱及導演黃婕妤(左)合照。

MC 張天賦月初連飛日本台灣兩地拍攝電影及新歌《抽》 MV,新歌未上架今日MV將會率先首播!新歌寫的是若即若離的情人以及寂寞感覺,是繼大熱作《記憶棉》後讓歌迷期待已久的悲傷情歌!

MV由曾執導蔡依林、林俊傑、吳青峰 MV 並曾入圍金曲獎最佳音樂錄影帶獎的知名女導演黃婕妤執導,並由曾跟舒淇上表演課的台灣大勢新人詹子萱擔任女主角,而 MC 則飾演默默陪伴著大小姐的司機。

原來MC之前從未去過台灣,問到今次拍攝有無令他難忘的事?「MV 入面有幾個情節係幾過癮嘅,今次我飾演一位司機,入面要揸車,所以第一次嚟到就要喺台灣揸車!而且台灣係左軚所以都要時間適應吓。第二係去釣蝦場,因為從未去過,我覺得幾好玩呀!」

飾演默默陪伴著大小姐的司機。

他說:「第三樣就係,其中一個情節係講我同女主角會有一個『結局』,大家都會俾啲感情出嚟,我覺得今次自己喺演技上都算係一個合格、滿意嘅程度嚟,亦都賦予咗少少成功感!」

司機場口要抹車,MC 認真拍完一無 roll 機就要玩吓,對住同事鏡頭扮無奈話:「公司同我講話佢哋 budget 少咗啲,所以要我幫手抹車冚返少少 budget !」

問到 MC 初次與台灣團隊合作覺得怎樣?MC 大讚:「好溫柔、好專業!最後子萱要喊嘅一場戲佢做得好到位,而導演都好爽快,因為我哋嘅行程非常緊湊,只得兩日拍攝,所以我覺得佢將事情都處理得非常好!」

導演和子萱直言對 MC 的素顏第一印象是「很可愛」!搞到 MC 即刻扁咀話:「第一次被形容可愛…」

繼大熱作《記憶棉》又一慘情歌。

導演表示MV其實有很多需要演技的場口,而因為之前完全沒有看過 MC 演戲,所以未見面之前確實很擔心,但開拍之後卻讓她刮目相看。

「而且不只我,是整個團隊!我們私底下都有討論,攝影師呀美術呀,大家都覺得你(MC)是一個很天生的表演者!就是很細微的那些東西,因為透過鏡頭都是看得到,所以合作起來就鬆了一口氣!」MC 聽到導演誇獎即飄飄然直呼:「真的嗎?好爽!哈哈!」

問到導演覺得 MC 可以挑戰什麼角色,她覺得 MC 的戲路也很闊:「因為你自己本身有個 hip-hop soul,我覺得你是很有天份所以我覺得可以嘗試⋯⋯殺手吧!」MC 一聽到立刻同導演約定一有合適角色就要找他拍!

雖然拍攝時間好緊湊,兩日裏面只瞓了幾小時,到拍攝完成臨上機前才可以跟團隊打個早餐邊爐,而天氣亦比想像中熱。

MC卻享受初次外地拍 MV 的經歷:「一來因為我平時係好懶嘅人,如果我自己一個去旅行嘅話我都未必去到咁多地方見到咁多嘢,而今次嚟台灣見識咗釣蝦場啦、了解咗佢哋嘅文化同食咗好多好嘢,個過程係開心嘅!不過美中不足嘅係個行程實在太密啦,一日要拍十幾廿個鐘,完全無時間去周圍走吓,所以有機會都想嚟玩多次!」

最新影片推介:徐蒨寧與奶奶專訪

撰文 : TOPick柴犬出動