【星二代】王菲女兒被傳秘婚女導演 竇靖童新造型向阿媽經典妝致敬

娛樂 12:16 2023/08/03

分享:

分享:

近日內地瘋傳竇靖童(左圖)與女導演李孟橋秘婚,較早前女導演開腔回應實屬謠言,而剛剛好呢個時間由竇靖童做代言的植村秀亦推出新廣告,形象完全翻dup 25年前阿媽曬傷妝!(微博@電影《只是一次偶然的旅行》、植村秀中國)

樂壇天后王菲雖然深居簡出,但都成日聽到佢的新聞,就好似最近內地突然瘋傳其大女(與首任丈夫竇唯所生)竇靖童,與女導演李孟橋秘密結婚,傳聞愈傳愈烈,搞到女導演急於澄清回應只係謠言!

不過,竇靖童就曾於2021年擔演過由呢位女導演自編自導的電影《只是一次偶然的旅行》,而家又一齊拍攝新劇《她的生存之道》。

又咁橋啱啱遇着剛剛,由竇靖童做代言嘅植村秀推出新一輯廣告,就翻dup阿媽(王菲)25年前出過嘅一張經典唱片《唱遊》嘅封面造型、由當時得令的星級化妝師Zing操刀,當年呢個曬傷妝紅極一時,唔少歌手藝人模仿過。

點擊圖片放大
+4
+3

最新影片推介:吳岱融專訪

記者:黃鑑江