【開心速遞】送水輝麥當勞舉行生日會一圓童夢 許家傑回母校想當年自爆秘密

娛樂 18:02 2023/08/14

分享:

分享:

有酒粒男神之稱的「送水輝」許家傑於麥當勞慶生。

有酒粒男神之稱的「送水輝」許家傑將於8月16日生日,一眾粉絲為許家傑提前慶祝生日,更讓他一圓童夢,於麥當勞舉行生日會,十分開心!

許家傑跟TOPick自爆小學最難忘的事,並分享今年的生日願望。

【開心速遞】送水輝+大小姐賀Philip仔原校直升 林淑敏難忘初見許家傑感觸當「爸爸」

點擊圖片放大
+9
+8

許家傑童夢實現

即將迎接40歲來臨,許家傑今年的生日會非常特別,選擇在小朋友喜歡的快餐店內舉行。

他興奮道:「開心啊!因為由細到大都想試喺度開生日會,今年叫做還返自己一個童年願望。」

粉絲又陪伴他回到母校粉嶺公立學校,重拾昔日的回憶。

《開心速遞》許家傑不喜歡高調放閃 「送水輝」超級寵另一半:天天都是情人節【有片】

(IG圖片)

小學回憶事件簿

問到小學時最難忘的往事,他透露:「小學時因為罰抄抄唔晒,之後扮病,當時諗起覺得好大好大件事。因為冇交功課而被老師罰抄,之後就一直累積,罰咗要抄約10次就好驚,唔識去面對,所以扮病扮唔舒服,持續約一星期,日日都唔想返學。」

他又謂:「因為要罰抄功課,但一直都抄唔晒,所以好驚。𠵱家睇返其實係好小嘅一件事。」

原來小朋友時期的許家傑亦曾有百厭的一面。

(IG圖片)

大談生日願望

談到今年的生日願望,他感慨道:「自己真係大個喇,40歲。希望可以每一日都做自己鍾意嘅嘢,同埋開開心心咁過。」

他又很感恩:「今次因為好多人幫手,所以先可以做一個咁成功嘅生日會。咁多年賺到嘅最多原來唔係名聲、金錢,係賺到好多友誼,希望我所有身邊嘅朋友都身體健康、開開心心。」

最新影片推介:COLLAR專訪

分享生日會照片

許家傑於IG分享生日會照片,並寫道:

多謝大家參加 許家傑小朋友既生日會,細細個就見到人地係麥當勞開生日會。今年心諗一定要搵人陪我癲返一次!
多謝 @jackhuiofficialfansclub @daisyyp.c 俾咗一個驚喜大家,見到大家到咗門口大叫嗰下好明顯大家真係唔知道去邊度開生日會😂😂😂
之後再要大家行左半個鐘去我既小學同細個成日食餐蛋麵既士多。
成個過程有啲無聊、有啲傻、仲幾熱Tim,但多謝你哋陪我渡過,呢一日我會好好記住!每當我遇到困難、唔開心嘅時候,我都會記得我身邊有好多天使❤️❤️❤️
#主持姐姐好風趣
#麥樂雞蛋糕好攪笑🤩
#但兩個蛋糕更加靚
#仲有個食我唔肚痛既自家製蛋糕
#最後附上一個連自己都想恥笑既急口令
#最後最後最後
#想同你哋講聲
#你地係我既動力

記者:梁樂欣

精彩獎賞活動等您發掘:https://bit.ly/3ClEy1R