Cath推出黑膠專輯辦簽唱會 《黃妍4891展覽》衝出香港進軍東京

娛樂 16:55 2023/08/15

分享:

分享:

黃妍(Cath)特別於誠品書店舉行《黃妍4891展覽》。

藉著專輯《4891》面世,黃妍(Cath)特別於誠品書店舉行《黃妍4891展覽》,並於日前舉行分享會及簽名會,分享專輯的創作過程外,亦公布兩大喜訊。
 
Cath這次在分享會中除談與MV導演兼專輯創作總監Pazu大談製作專輯《4891》的逸事外,Cath更現場演唱了碟中《哀傷的作者》、《霧雨》及《至少有歌〉3首作品。

其中,《霧雨》是《異地書》的Demo Version,《至少有歌》則是電台宣傳曲的Extended Version,這次Cath特別為分享會演繹了不一樣的accoustic版本,別有一番風味。

【4891】黃妍爆Seed寫小說大玩二次創作 新歌《哀傷的作者》MV向《1Q84》致敬

受《1Q84》啟發
 
《4891》這個Project將會一直往外延伸,Cath在這次分享會上亦公布了有關資訊,其中一樣是首度推出黑膠大碟。

Cath道:「我哋會出《4891》黑膠同埋好多人話買唔到嘅《九道痕跡》黑膠,《九道痕跡》我哋冇諗住再出CD,所以會出埋《九》嘅黑膠,兩隻一齊出,全部都係限量,有興趣嘅,大家加油喇!希望大家會買到。」

Cath指,推出黑膠的想法是在製作專輯時突然從腦中浮現,她說:「我哋今次成個Project係由村上春樹嘅《1Q84》出發,故事時代背景都幾係黑膠盛行嘅時候,男女主角都聽黑膠;同埋上年我買完黑膠機後開始儲黑膠,平日會聽坂本龍一同久石讓,所以就諗我自己都可以出到一隻就好喇,Pazu都覺得係幾好嘅時機,好好有Design埋兩隻黑膠嘅Cover。」

東京舉行展覽
 
除推出黑膠,《黃妍4891展覽》亦會衝出香港,下一站將在日本東京舉行,Cath興奮道:「我哋喺東京搞下一站嘅展覽,點解揀日本?因為拍MV同做展覽時已有呢個Concept,都真係私心想去返日本,再加上成個project日本味極濃,《1Q84》日本著作喺裡面好多場景都係喺日本,既然MV都喺嗰度做,又有一個咁Proper嘅展覽,咁不如去埋。」

她續指:「《4891》裡面有仝人小說用中文寫,我哋去pitch嘅時候,特登搵翻譯將成個小說裡面嘅書信連同歌詞全部翻譯成日文,所以自己都期侍!日本站會係幾特別嘅一站,去到會係不同嘅意思,為《4891》呢個Project畫上一個句號。」

早前黃妍到訪日本村上春樹圖書館,遇上圖書館的建築師限研吾(左)。

參觀村上春樹圖書館 

早前,Cath到日本拍攝MV時,曾獲撮合與日本殿堂級建築師隈研吾會面,並參觀由對方設計的村上春樹圖書館,被問到可會邀請對方參觀日本站的展覽。

Cath道:「會呀,其實我寄咗隻《4891》俾佢,但佢好忙,所以如果有機會,都想邀請佢嚟睇,因為今次無論拍MV同埋做碟嘅過程當中,都有啲日本crew,去到再同日本同事分享,都係一個幾有趣嘅經歷。」

最新影片推介:COLLAR專訪

撰文 : TOPick柴犬出動