【霸道總裁】Edan推出個人首支國語跳唱作品 呂爵安:一直好想做呢個角色

娛樂 23:19 2023/08/23

分享:

分享:

《霸道總裁》

即將舉行《EDAN LUI “IN MY SIGHT OF E” SOLO CONCERT 2023》的MIRROR成員呂爵安(Edan),在昨日(8月22日)才推出全新廣東歌《Again!》,今日(8月23日)又火速再推出新歌,更是Edan首支個人國語兼跳唱作品《霸道總裁》,完全一次過滿足Fans兩個願望。

一直都很想扮演霸道總裁的角色的Edan,剛巧這次在演唱會前推出的國語跳唱歌《霸道總裁》,繼續由Edward Chan監製、Edwin作曲、小崔填詞,正好就讓他在歌曲裡搖身一變,成為呂總裁。

Edan道:「我冇同小崔溝通過,咁啱佢寫咗呢個題材出嚟,我一直好想做霸道總裁角色,所以呢個係緣份,而歌詞都好有Feel,係講點樣用好霸道嘅形式去追女仔,講緊點樣霸道地為你好對你好,係好正嘅一份歌詞。」

【Again!】Edan個唱前推出新歌 呂爵安拉埋《膠戰》隊友齊拍MV

給爵屎更多驚喜

為何這次會推出一首國語跳唱歌呢?Edan解釋:「冇特登Plan,想演唱會前出多啲歌,聽完國語Demo覺得好聽舒服,就諗不如今次直接呢個方向玩下、試驗下,同埋都想喺演唱會跳唱部份有自己歌,所以就有今次呢件事發生。」

既可演總裁,又可以令演唱會歌單更豐富,給爵屎更多的驚喜,Edan自言是再辛苦也值得。

這次《霸道總裁》雖然是國語歌,但Edan未有特別去上堂,笑言:「不過錄音時間同廣東話差不多,大家都知我廣東話咬字本身爭啲啦!其實由細到大都鍾意聽國語歌,所以發音或唱上去冇話好大嘅差別,但佢有少少R&B又輕快嘅曲風,要捉摸到跳唱輕鬆又Lay Back少少感覺係有啲難,特別係Chrous部份,節奏嘢難少少。」

個唱綵排進度理想

演唱會在即,Edan抽空錄兩首新歌,但就未有時間拍《霸道總裁》的MV,說:「相信演唱會後拍dance version MV,再研究下,今次希望演唱會前出到,等大家可以聽到,演唱會時就可以投入啲!」

除新歌,Edan也匯報綵排進度,他說:「都合格,所有嘢定好晒,而家Rehearsal練習中,更加圓滿佢,希望可以帶到一個好好嘅演唱會俾大家睇,可以睇到唔同嘅嘢。」

最新影片推介:麥詩敏專訪

撰文 : TOPick柴犬出動