鄭艷麗飽受病魔折磨身體轉差 自揭近況無奈稱:我唔知可以撐幾耐

娛樂 13:05 2023/09/09

分享:

分享:

曾與梁朝偉在TVB劇集《俠客行》合作的鄭艷麗,90年代曾轉戰影壇拍過多齣三級片,而早已息影多年的她,在2020年6月自爆患上厭食症,體重跌至90多磅,更一度被送往深切治療部(ICU)。

可是鄭艷麗近年病情反覆,日前,她在社交平台上自揭再被病魔纏身,寫道:「我唔知可以撐幾耐」,情況令人憂慮。

她寫道:「好想過返啲正常嘅日子,啱啱嘅星期日又到過咗死去活來嘅一天,媽媽喺越南返咗嚟,星期一開始就比我食咗隻新嘅唔知咩藥,味道好似木頭一樣好難食,之後就發覺隻腳出現咗乳霜(瘀傷),我希望真係可以幫助到我啦!因為日日都要咁痛苦地渡過,我唔知我可以撐得幾耐……祝大家身邊(體)健康。」

【息影艷星】52歲鄭艷麗近況曝光 透露因病每日放工狂嘔難搵工

點擊圖片放大
+5
+4

曾與梁朝偉合作

鄭艷麗於1989年參加「銀河新星比賽」贏得女主角組冠軍而加入TVB,期間曾演出《俠客行》跟梁朝偉合作,但只拍過幾套劇便離巢。

後來她在電影《慈禧秘密生活》、《二奶村之殺夫》和《滅門慘案II借種》有大膽演出,亦曾拍過性感寫真,雖被指艷星,但她曾表示沒有後悔。

在2014年,她曾被傳媒拍到在快餐店做清潔工、收銀員,鄭艷麗坦承因要生活,故應徵快餐店夜更職位,負責清潔店舖。

最新影片推介:

因病不能每天上班

可是在今年5月,鄭艷麗發文透露入了ICU,寫道:「不是不喜歡吃東西的厭食症,是身體內排斥食物的厭食症,因為身體內沒營養,亦無法吸收到營養,因為我一進食就會嘔,這就是為什麼嚴重到進ICU呢!」

她並稱,因為身體問題不可天天上班:「所以之前做大集團嗰啲公司都唔能夠體諒我,所以會時時轉工,因為佢哋冇辦法接受到我返下工又唔返工。」

點擊圖片放大
+6
+5

其後,她在3月於朋友介紹到私房菜工作:「本來唔想去,因為地區比較遠,因為冇嘢做,因為唔想成日喺屋企,所以就決心去見吓,見得成功,就開始喺3月21號上班💼⋯⋯點知好景不成,四月我又中咗招,之後身體又一直咁差落去,所以只係返得11日工。」

幸鄭艷麗後來找到一間體諒其健康情況的公司,老闆娘知道更每日給她飲燉湯,當時鄭艷麗寫道:「本來每日放工返屋企都會嘔,個胃又會痛得超厲害,而家都有嘔,但係至少冇胃痛,我感覺好窩心,好有溫暖,世界上真係仲有人情味嘅某啲地方,其實我係好缺乏俾人愛惜嘅,而家每日都覺得好有溫暖好有人愛惜我,所以一定要同大家分享,我諗我而家應該可以做到退休,唔使再成日轉來轉去啦!」

精彩獎賞活動等您發掘:https://bit.ly/3ClEy1R

撰文 : TOPick柴犬出動