香港人在北京丨與吳若希演攤牌戲谷到眼紅紅　陳展鵬：希望演到嗰種真實感

台慶劇《香港人在北京》進入結局周，昨晚（10月30日）講到Helen（吳若希Jinny飾）踢爆港仁（陳展鵬飾）隱瞞與蘇菲（蔡潔飾）同遊珠海，Helen嬲爆向港仁興師問罪。

港仁解釋隱瞞此事只是怕她胡思亂想，Helen聞言再度怒火中燒鬧爆港仁，港仁又反斥Helen暗中調查他，拋下一句：「我哋兩夫妻，搞到你查我我查你，咁就叫做信？」最終Helen嬲爆離家出走，兩夫妻關係陷入冰點！

香港人在北京丨吳若希胞弟畢業相告別高中　吳梓楓隨家姐入行當模特兒

▲ 展鵬同Jinny呢場攤牌戲勁有戲味。

展鵬與Jinny於這場攤牌戲演繹到位，兩人你一言我一語谷到眼紅紅，Jinny的落淚表情更是令人心噏！

講到Jinny於《香港人》的演出獲讚有驚喜，展鵬說：「作為佢嘅拍檔當然為佢感到開心，證明我同佢嘅互動好有火花！之前同過唔少女演員合作，但同Jinny合作係有啲唔同，始終佢演戲經驗比較新，但佢對角色拿捏得恰到好處，演出笑中有淚嘅感覺。」

展鵬現實中跟老婆嘈吵？

展鵬受訪時坦言這場攤牌戲拍了幾個Take：「我希望盡量搵到個好節奏，演到嗰種真實感。畢竟我哋都結咗婚係過來人，現實中喺屋企少不免都有啲嘈吵同磨擦，有時都會傷到個心，更何況我同Jinny喺套劇中有第三者介入，係件好嚴重嘅事，希望呢場戲演到嗰種真實感。」

提到不少網友大讚他與Jinny火花十足，展鵬說：「我對Jinny嘅評價都好高分，平時我好少同對手講應該要點演，我覺得真正嘅好拍檔要因應住大家嘅感覺去合作，亦都好多謝Jinny咁信任我，如果佢唔信任我，出到嚟嘅CP感唔會咁強。」

▼點擊圖片放大

+6

+5

梁漢文彈琴冧吳若希勁浪漫

另邊廂，離家出走的Helen陰差陽錯下搬到張帥（梁漢文Edmond飾）家中「同居」，Helen遂發現張帥家中有一間神秘的房間，好奇張帥是否如電影《格雷的五十道色戒》的男主角一樣置有「玩具房」！

但原來該神秘房間並非「玩具房」，只是張帥擺放鋼琴的房間，他向Helen躺開心扉透露自己是單親家庭長大，其中一部鋼琴是獨力湊大他的媽媽所贈送，惟5年前媽媽過世，之後他便失去寫歌的靈感，最終在Helen的鼓勵下，張帥學會釋懷並為Helen演湊鋼琴。

▲ 梁漢文帶Jinny去拍拖搵番戀愛嘅感覺。

對於這場彈琴戲，Edmond在花絮片中透露是他最印象深刻的一場。

他說：「我好重視呢場戲，因為我知道呢個劇情對部劇好重要，喺講晒自己嘅心底話之後，再要打開鋼琴去，係我好深感受嘅一場戲。」

最新影片推介：鄭子誠劉倩怡專訪