移英港人丨移英中年港男搵工9個月寄532份 靠1招覓到新工做回老本行

家事百科 10:56 2023/12/07

分享:

分享:

中年港男移民英國,慨嘆搵工好困難。

【移民/搵工/求職】移民潮下,不少港人為了移民英國放棄香港高薪厚職,寧願到英國重新開始!1名年近50歲的港男,早前在網上分享,直指在英國最困難是搵工,他移英1年半,9個月send了532份CV,他搵工搵到懷疑人生,最終靠1招令他覓到新工做回IT admin老本行。

最新影片推介:

該名年近50歲的中年港男,早前在facebook群組的「英國香港人生活交流區」,分享移民英國後的搵工心得。

在英國展開新生活的他,稱來了1年半,所有事都要靠自己努力一一解決,但最困難的事就是搵工,他指自己搵工搵了近9個月先搵到1份穩定的工作,也慶幸是做返老本行IT admin。

他拆解及總結搵工的感受及真實狀況,他send了532份CV(履歷表)、contact 54個recruiter,

呢個數目一啲都唔多,send得多過我嘅大有人在。不過我認為recruiter幫到你大約得30%,好多淨係嚟收CV,講完一堆廢話之後都係冇下聞,勸大家千祈唔好對recruitar打來嘅電話有任何期望…

無回音下,他重新執過份CV無數次,只是跟format都玩到傻,他指在英國搵工,CV一定要用當地的語法來寫,一張紙過,key point是重點,切忌「水蛇春咁長」, 因為這裡很多公司都用一種ATS的system來自動掃描收到的CV,篩選過後才安排人手翻閱。求職信方面,他建議內容應盡量簡潔,字數大約100字,並提醒記得留下聯絡方法,包括電話、電郵和求職網站帳戶…等等。

他續指,一般英國招聘中介收到履歷表後也會致電給求職者,但不要對電話有任何期望,「打電話嚟齋問嗰啲你就算把啦,唔使上心」,因中介留意到有公司請人,就會漁翁撒網,將求職者的CV轉發出去,所以「幫到手嘅機會唔高」。身為過來人的他,每一日都會收到電郵,通知他未能進入next step,所以他提醒求職者「千祈唔好灰心」。

課金買服務

最終,他決定在求職網站Linkedin建立帳戶,並且「課金」購買高級服務,讓他一有心儀工種,就可以手快申請。有公司見到他在求職網站的帳戶,甚至沒有公開招聘就相約面試,最終他成功獲聘。

中年港男坦承自己沒有degree,只是廿年前在工業學院畢業,在港做了廿多年的IT Support,他覺得大學證書只是用來通過初步篩選,「我見過10份工,公司問都冇問過你讀乜嘢書或考試成績」,而他亦是到達英國才考了2張IT證書,用來襯托個CV,

degree嘅嘢有個自然好啦,冇嘅千祈唔使灰心㗎,當你見得幾次工你就會明我呢句講乜㗎喇…!

他更指來到英國便要適應下這裡的生活文化和工作文化,最後他希望一眾移民港人,盡快搵到工啦!

貼文一出,即獲網民大讚中年港男分析詳盡、好有用,「英國職場文化,公司看重 culture fit 和 motivation 比技能更重要,這是香港人搵工忽略的障礙,我會來緊出片和大家分析一下。」、「嘩!你真勵害,成功揾到自已喜愛的 IT 工作」。

【爸媽必Follow】全新TOPick親子IG現已推出!立即睇︰https://bit.ly/3BN0C4s

12月是小學測考季,TOPick推出中英數常免費試題下載區,立即下載免費試題備戰測考:中英數常試題

HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

責任編輯:王明芳