叱咤樂壇流行榜2023丨魏浚笙重返母校香港都會大學 森美讚Jeffrey有「三好」

娛樂 18:21 2023/12/07

分享:

分享:

叱咤903 DJ森美、謝茜嘉及魏浚笙現身香港都會大學。

叱咤903 DJ聯同眾歌手走訪不同的大專院校,進行「多謝你唱廣東歌問答比賽」,透過比賽讓同學關注今年的上榜歌曲,當中更有機會贏取2023年度叱咤樂壇流行榜頒獎典禮的入場券。

而比賽來到第5場,由叱咤903 DJ森美、謝茜嘉主持,而在香港都會大學中亮相的歌手,是畢業於該校的魏浚笙(Jeffrey)。

叱咤樂壇流行榜2023丨MIRROR上屆勇奪組合金獎 12子今年輸畀Lolly Talk?

被Jeffrey電親
 
過程中,主持人森美先問5位參賽同學最喜歡哪一位廣東歌歌手,豈料所有同學皆表示自己最喜歡的歌手就是「師兄」Jeffrey,場面非常惹笑!Jeffrey登場後,森美又大讚對方:「有邊個會唔鍾意Jeffrey啊?人好、聲靚、又好禮貌!」

在另一位主持人謝茜嘉的帶領下,兩隊參賽隊伍先進行自我介紹,由Jeffrey領軍的隊伍叫「Barbie、Hugo、Jeffrey隊」,命名源自3位隊員的英文名;而另一邊由3位同學組成的隊伍名稱則叫「呢單嘢唔係我跟開」。
 
比賽期間,森美主動邀請「呢單嘢唔係我跟開」隊員Zaiden與Jeffrey對戰,森美開玩笑問Zaiden:「頭先你好少出聲,係咪俾Jeffrey嘅氣勢嚇親?」又叫Zaiden不用害羞:「唔洗驚,你可以望住Jeffrey嘅雙眼!雖然個個望住佢雙眼都有暈暈地嘅感覺!」

Zaiden馬上回應:「我暈低咗啦!」哄得一旁的Jeffrey不禁大笑起來。而5題問題完結後,「呢單嘢唔係我跟開」隊以3比2的成績勝出這回「多謝你唱廣東歌問答比賽」。

最新影片推介:蘇恩磁何沛珈專訪

向女友講「愛的宣言」
 
最後,「呢單嘢唔係我跟開」隊員Fire成功抽中叱咤頒獎禮門票,他除了能馬上答出Jeffrey的最新派台歌歌名是《我的世界地圖》外,他亦向眾人分享將會與女友入場觀看叱咤頒獎禮。

身為《早霸王》主持人的森美也把握機會,即場邀請Fire對鏡頭向女友說出「愛的宣言」,令Jeffrey也禁不住大笑。

撰文 : TOPick柴犬出動