新手爸爸丨畏高做地盤工人搵命搏養家 吳浩康打4份工:家庭係我嘅動力

新手爸媽 13:19 2023/12/08

分享:

分享:

40歲的吳浩康,為了家庭,就算畏高都唔怕,一星期做足4日地盤。

【吳浩康/新手爸爸/地盤佬/搭棚工人/偉大爸爸】美國社會學家Carol Watson-Phillip曾稱,「生仔可以令爸爸成長 」,一個「大男孩」當爸爸後,就會變得成熟。曾經負面新聞不斷的吳浩康(Deep),去年3月與郭思琳奉子承婚,同年9月兒子吳尚恩(撐撐)出世,榮升爸爸後,Deep徹底改變,為了肩負養家責任,他身兼4職,就算有畏高要到地盤做搭棚架工人也沒有一絲抱怨,咬緊牙關撐下去,他笑稱:「家庭係我嘅動力!」

最新影片推介:

40歲的吳浩康,上月初與英皇娛樂結束20年的賓主關係,本月初在IG上載1條「上班過程」,自揭到地盤做搭棚架工人,被網民稱讚「真漢子」,太太郭思琳亦公開表揚他非常努力搵錢,「做咗爸爸有頭家,直情變咗兩個人。」

Deep接受TOPick訪問,坦承為了太太及兒子,工作再辛苦也不怕,就算打4份工都沒所謂,他是多功能爸爸,既是唱歌老師、歌手及演員,9個月前取得平安卡,更踏足地盤成為棚架工人,每星期會到地盤開工4日,他強調沒有離開娛樂圈,只是打多份工,

所以大家有咩做都可以搵我,時間分配方面,我係答應邊個先就做邊個先。

兒子撐撐15個月大,其實Deep一直有為頭家付出,只不過現在工作性質不同,教唱歌也是為家庭付出,

所以唔同行業嘅爸爸、媽媽,都係好辛苦同好偉大,大家一齊努力!

家庭是最大的推動力

對於被指為了兒子能屈能伸?Deep則不認同表示,如果沒有兒子,他遇到經濟狀況出現危機,他都需要去解決,兒子的功能是給予機會啟動他的潛能,

佢出世之前邊有發揮機會,佢成日俾啲發揮機會我,多謝我個仔,我嘅家庭係我嘅動力。

說到教唱歌的生意,Deep透露在疫情時,生意很穩定,每個月有8至9萬收入,但2月開關後,打亂了他的陣腳,惟有他要切實去想找一個新的工作,

開咗關,原來香港冇晒人,有去了旅行,未去旅行嘅留返啲錢去旅行,工作好耐冇出差嗁要出差,又有做生意嘅,各有各忙,總之冇人留喺香港,我自己都受這個大氣候影響嘅一份子。

戶口亮紅燈

戶口的數字有出冇入,他不便透露當時戶口所餘幾多,「亮紅燈」的界線每人的定義都不同,但他未去到嚴峻的階段,

見到狀況亮起紅燈,淨係靠一個行業係搞唔掂,要馬上去另一個領域再去闖,唔係戶口跌到幾多位數字,如果去到冇先去搵,點樣持住一頭家呢?

Deep受通關嚴重影響,他的教學生意急跌,就算有積蓄,都僅僅足夠應付到生活,看到戶口亮起紅燈,不能坐食山崩,需要認真尋找一條新的出路,

最快有現金嘅工作,就是地盤這個工種嘅工作。

經朋友介紹下,Deep開始接觸地盤搭金屬棚架工程,他又想到戶外的演唱會掛喇叭、掛燈,甚至一些讓攝影師拍攝的棚架,都是屬於棚架的工程,

搭台嘅棚架同我依家做嘅工程,也是同一個原理去搭建,所以我就繼續做這個工作,我做搭架是今年3月開始。

點擊圖片放大
+7
+6

畏高的地盤佬

1兼4職的Deep,昨日(7日)清晨6時許出門到地盤開工,還拍了一條短片放在IG時限動態,影片看到他精神奕奕跟follower打招呼,並寫道:「#早晨#今日凍咗啲#地盤佬日常。」

他不介意放下身段,由歌手踩入地盤當工人,還笑稱自己是「地盤佬」,問到他做歌手時,有助手、化妝師及髮型師…等人圍住,如今要穿上工人服、安全衣,戴好安全帽工作,第一日返地盤有何感受?他笑笑口說:

我還好,做歌手嘅時候都唔係咁多人圍住,所以都冇咩身段亦冇咩特別大嘅感覺,都習慣嘅,第一日返地盤冇咩特別大感受。

Deep坦言,無論任何人初初做任何事都會有些不習慣,不是因為什麼身份改變,而是初接觸的行業,新手當然未會適應那種不習慣!對於心理關口,他認真地說:

冇咩關口要跨過,要做咪做囉!正行正業。

其實Deep到地盤搭棚,工作好危險,但對於他來說,最大的關口就是高空工作,因為他有畏高,

我做搭架時,工作好危險,我係有畏高,所以都好驚!在工作上,我身邊嘅人都比較少俾意見我。人哋搵得我去工作,信任我,有時驚都要平靜自己,要去做好工作,安全情況下突破一下,唔可以辜負搵我做嘢嘅人。

Deep為家庭打拚,付出汗水及勞力,更不介意別人的目光,令網民好respect他是一個好爸爸。對於網民的頌揚,他謙稱:「受之有愧」,

我真係受之有愧,唔係特登謙虛,可以認叻我都認叻,但係真係受之有愧,因為我爸爸,我認識嘅男性、姐夫,我屋企長輩或者一啲Uncle,都好優秀,呢個社會好多爸爸都比我偉大,比我堅持好多,嗰啲更加需要表揚,多謝大家對我嘅支持,呢個係無比嘅溫暖,我冇諗過會有咁大嘅迴響。

點擊圖片放大
+6
+5

不一樣的爸爸

而網民將他與同門的張致恆雙提並論,指兩位爸爸同樣面對養妻活兒的責任,但兩人的態度卻截然不同,Deep被網民讚揚,Steven卻遭狂插,

心情有啲複雜,見到啲人將我擺埋同Steven一齊講,我只能夠講大家對我嘅支持,係我前所未有嘅咁多,好大嘅感覺,非常之溫暖,非常之大嘅動力,但當我見到人哋鬧或話Steven時,我又會好心痛,所以都比較複雜。

【爸媽必Follow】全新TOPick親子IG現已推出!立即睇︰https://bit.ly/3BN0C4s

12月是小學測考季,TOPick推出中英數常免費試題下載區,立即下載免費試題備戰測考:中英數常試題

HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

記者:林碧洋