不正常愛情研究所丨8成戀人談肥瘦話題鬧交收場 Jojo收買製作組獲厚待保靚樣

娛樂 19:06 2023/12/08

分享:

分享:

(左起)《不正常愛情研究所》主持Gillian、Doniven、Jojo、Kim及Karen。

由伍倩彤(Gillian)、金永衡(Kim)及3位J2ers黃紫恩(Jojo)、胡敏芝(Karen)、陳國麟(Doniven)擔任主持J2清談節目《不正常愛情研究所》,在昨晚(12月7日)播出一集研究主題為肥瘦問題。

這一直是情侶的討論「禁區」,超過8成戀人會因此話題,導致鬧交收場。節目一開始胡敏芝播出一段陳國麟的錄音,內容大概是Doniven描述前度女友體質易肥,最重時達90磅左右。

不正常愛情研究所丨Jojo街頭遭魔術師催眠 黃紫恩:唔記得發生過咩事

節目開始播出一段Doniven話90磅肥的錄音。

陳國麟成女人公敵

錄音播完他即時成為一班女仕公審對象,被質問「90磅都肥?」事後他解釋是混淆了「公斤」及「磅」,前度體重應為90公斤(約198磅)。他表示當初認識前度時,對方只有60公斤左右,他解釋︰「因為嗰時晚晚煲劇食宵夜,瞓醒又食嘢。呢啲係幸福肥,同咗我一齊肥咗係好開心。」

各女主持繼上次被揭中學樣貌的黑材料後,今集製作組將各主持都P成肥妹、肥仔。

Gillian望住P成肥雙下巴及胖面的照片,表現非常嫌棄,加上Doniven補刀話︰「原來Gillian肥咗之後唔得㗎!」,令她更加難以接受,扁嘴投訴話︰「P到連頸都粗埋。」

Karen被製作組P成胖面及雙下巴。

Karen除保留五官細緻外,面部被P成雙下巴及面頰漲了一倍有多,令二人女神形象崩壊。

反觀Jojo的P圖仿如沒有修圖一樣,反而更加好睇,像加了美圖濾鏡。難怪兩位男主持都異口同聲質疑「P咗喇?呢個好偏心喎,無肥過咁喎」,心水清的Karen更質問︰「製作組,點解佢無雙下巴嘅?」

Jojo事後接受訪問時講笑話一向都有收買製作組,她笑言︰「其實都有問返製作組,佢哋話已經有夾硬拉肥咗,因為塊面太瘦,拉完都唔係好覺。我覺得張相似自己大咗肚2、3個月嘅樣。大家都話呢個樣順眼,叫我食肥少少喎。」

最新影片推介:蘇恩磁何沛珈專訪

棉花糖女孩

今集有故事的人是「棉花糖女孩」招依婷(Vicky)是名Plus-size model,近排拍了一輯靚內衣照,非常迷人。

她在節目中透露未曾嫌棄過自己的外表,笑言︰「中一、二拍拖,未有concept點先係靚樣。同現任男朋友都係中學同學,畢咗業後至一齊,拍咗拖5年。」

今集「有故事的人」是Plus-size model Vicky。

Vicky話不要輕易放棄,更不要將自卑放在身上面,扮靚靚出街會增加自信,分享說︰「好多肉肉女鍾意將自卑放喺身上,搞到自己污糟邋遢、唔鍾意著緊身修身衫,畀人望落咪負面。」

可以嘗試化點妝出街,帶點色彩的外形不單讓人感覺正面,亦會增加自信心。

撰文 : TOPick柴犬出動