狀王之王丨文凱玲公堂自白騷演技　青筋暴現喪心病狂夠入戲

王浩信、姚子羚主演的TVB劇《狀王之王》的「蜘蛛精殺人案」謎底在昨晚（2月1日）終於解開，經宋世傑（王浩信飾）鍥而不捨追查，終發現倚春閣地下暗藏密室，並囚禁了一大班身負重傷的男人。

一如網民所料，倚春閣老闆娘葉三娘（文凱玲飾）是Big Boss，她被宋世傑踢爆後爽快地前往自首，並在公堂上激動自白。

原來貧苦人家出身的三娘有著相當悲慘的過去，年青時一再受到不同男人欺壓及蹂躪，因此對男人恨之入骨，而對於其殺死及奪去子孫根的男人，三娘全數覺得死有餘辜。被判死刑的三娘，最終決定在獄中自殺了結一生。

狀王之王丨文凱玲「穿越」再演風塵女子　港大畢業選港姐成晶女郎

▲ 《狀王之王》

文凱玲大笑令人心寒

葉三娘表面看似是手段兇殘的連環殺手，實質為人相當重情，對於真心真意對待自己的玲瓏（姚子羚飾），三娘痛錫有加，除一直將玲瓏送贈的手帕帶在身上，自首前更淚眼望向玲瓏，場面感人。

而即使恨透男人，對於守禮節的宋世傑三娘仍有手下留情，絕對不是窮凶極惡大奸角。

▲ 《狀王之王》

而文凱玲（Connie）再度演技大爆發，尤其說到「天下男兒皆下賤」、「點解我唔可以糟躓番你哋呀」、「有冇諗過啲死咗嘅男人點解會冇咗下蔭呀？」、「我為咗姊妹幸福，多殺幾個壞男人又何妨」時，咬牙切齒的狠樣、輕佻樣再配以憤怒爆燈的眼神，讓人完全代入三娘的情緒。

為突顯三娘自覺沒有做錯的狀態，Connie還數度流露不屑高傲眼神兼喪心病狂大笑，心寒指數爆燈。除自白場口，Connie拿著紅元丹玩弄男受害者時不但樣子狠毒、額頭更激動至青筋暴現，足見Connie相當入戲。

▲ 《狀王之王》

特別手工訂製

談到三娘這角色，Connie笑言很喜歡，皆因滿足了自己兩大願望：「三娘雖然只係單元主角，出場時間比較短，但同時滿足咗我想演古裝同埋連環殺手嘅願望。其實我細個開始就鍾意睇古裝劇，第一次主演嘅電影都係古裝。」

談到古裝造型贏盡好評，網民大讚「宜古宜今」兼「好有味道」，對此Connie謙虛謂：「多謝網民嘅讚賞，今次有三個造型，主要嗰套粉紅色衫劇組好用心，係特別手工訂製。髮型嘅話其實大部份都係我自己真嘅頭髮，唔使戴假髮比較輕鬆。其實拍《狀王》之前我啱啱拍完《一舞》，當時成個頭電攣晒，為咗拍《狀王》又拉返直，好彩啲頭髮仲頂得順。」

▲ 《狀王之王》

對於網民大讚其保養得宜，Connie大方分享護膚心得：「注意防曬好重要，曬嘅時候我都會擔遮。同埋我化完妝一定會徹底卸妝，重視每日嘅護膚，再加上定期去美容院保養，最近亦有睇中醫調理，希望由內靚到外。」

提及在公堂上展示背脊疤痕的場口，由於疤痕佔據位置頗多，Connie坦言準備時間頗長，並坦言拍攝展示疤痕場口難度極高：「當日提早咗好多去現場整背脊嘅疤痕，拍嗰陣因為手上有鐵鏈，加上古裝衫嘅扣好難解開，大家都要一齊研究咗一陣，先成功配合做到一氣呵成拉開件囚衣嘅鏡頭。」

至於拍《狀王》另一難度，Connie則笑言是忍笑：「最難係大家好搞笑嘅時候，我唔可以笑，仲要特別正經。例如宋世傑同阿九扮女人時，我要演睇唔出、好認真咁覺得佢哋好可憐。」

最新影片推介：馮盈盈專訪