ERROR成員丨郭嘉駿《B出口》唱盡香港愛情面貌　吳海昕「慘遭家暴」拍到滿手瘀痕

ERROR成員郭嘉駿（193）今年首支單曲《B出口》，其實是香港年青人的愛情寫照，今次除了早前公布由何啟華（Dee）首次操刀執導MV外，更有之前與193合作舞台劇的吳海昕（Sofiee）加盟演出，鐵三角組合，想不到竟然發生家暴事件，Sofiee更弄得滿手瘀痕！！！
 
今次193新歌《B出口》由台灣音樂人宋星凱及葉懷佩作曲，林若寧填詞，是很多香港人的愛情寫照，193道：「《B出口》講好多人與人之間嘅邂逅，例如：搭地鐵遇到心儀對象，可能一齊咗，之後過一排又邂逅其他人。好多偶遇好多離離合合，呢個就係好多香港人嘅寫照。」

既然是首屬於香港人的情歌，193很想在歌曲中記錄當下的愛情以外，更想記錄香港，續道：「林若寧寫詞嘅時候，我叫佢加多啲香港地方元素，記錄返香港呢個時間呢個地區，因為好多時有啲地區經過年月變化，又或者好多唔同因素會變咗好多，甚至係有可能冇埋條街，所以歌詞裡面嘅街名比較大路，彌敦道、太子道、擺花街，另外亦有提及花墟。」

ERROR成員丨郭嘉駿193新歌《B出口》助兄弟圓夢　阿Dee何啟華初嘗執導滋味

▲ 193、Dee、吳海昕在《B出口》MV合作。

阿Dee執導多特別點子
 
早前已公布，今次《B出口》由ERROR隊友阿Dee執導。既然大導揸Fit，自然Budget也較多，193大爆：「MV 因為有Dee大導，係歷年來𢱑得最多Budget嘅MV！如果用《睡到三點》同《再次Puppy Love》去比較，Budget係多十幾倍，所以都幾誇張。Dee大導好多想法，話要爆破！話應該冇乜人MV會爆破，所以要爆破。然後又要流血！好多奇怪諗法！」

諗法多自然拍得多，193都想不通Dee的想法，他說：「我哋分咗兩日拍，每日拍咗十幾個鐘，啲劇情係多到我覺得可以出一個劇場版，起碼30分鐘都仲有嘢剩，多到痴線，我都唔明Dee可以點樣整落去。」

曾手整傷吳海昕
 
《B出口》作為情歌，當然要有女主角，但原來過程中曾經換角，193解釋：「本身MV係諗住搵另一個女主角，係傾好咗嘅，但去到開會嘅時候，Dee度咗好多劇情嘢，但當時想搵嘅女主角，係大約20歲嘅女仔，同我年紀差好遠，我哋點樣回憶返我哋十幾廿年前嘅片段呢？十幾廿年前佢仲係粒卵子⋯⋯然後諗起Sofiee，佢同我啱啱做完舞台劇《Laugh Vacation》，係一個幾好嘅選擇，同埋佢係一位好演員，所以唔使諗就係佢。」
 
193十分感謝Sofiee不計酬勞，近乎貼錢演出，與此同時，他亦深感歉疚，因為在拍攝過程中，他整傷了Sofiee。

▲ 吳海昕在拍攝時意外受傷。

193叫Sofiee自求多福

193說：「有場情緒戲，拍咗好多次，可能有7、8 Take，Dee 老師有好多唔同要求，我哋都跟足做，其中我要同Sofiee鬥力，我要雙手捉住佢阻止佢發癲，但我估唔到自己天生力大無窮，打開籃球嘅右手捏佢左手，結果捏到瘀晒，估唔到瘀到好似家暴，唔係一般嘅瘀，幾個鐘頭後已經變到紫黑色好似中毒一樣，所以我都好過意唔去。」

不過193表示Sofiee要自求多福，因為劇組未能夠讓她索償醫藥費：「我頭先有Offer，最多買支去瘀膏或者跌打酒俾佢，但Sofiee冇理我。」

對於被捏到滿手瘀痕，Sofiee說：「兩睇啦！望落去就疑似好暴力，但對於33嘅老婆嚟講，佢係好大隻呀！平時係有操開，都有啲功力。」

最新影片推介：

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5