年輕爸爸｜女友意外懷孕DSE考生輟學打工養家　年輕港爸憂一事影響女兒未來

DSE文憑試筆試即將開考，不少考生都在思考DSE後的升學就業前路，然而有DSE過來人要苦惱的卻是養妻活兒。有年輕港爸在網上討論區發文分享，他在2021年考DSE前，女友意外懷孕，最終他輟學日打幾份工養家，雖努力無視閒言閒語，但仍擔心自己無學歷，將來女兒上學會被其他同學家長取笑，不少網民都紛紛為港爸打氣，欣賞他有承擔。

最新影片：

有年輕港爸在「Dcard」以「要怪就怪自己以前冇好好讀書」為題發文，他憶述，自己在2021年應考DSE文憑試，本身與女朋友拍拖數年，兩人讀書成績平平，也不是讀名校。不過，雙方家庭經濟環境不錯，他自認因生活無憂而很懶惰，平日生活只是打波、打機和陪女朋友。

女友意外懷孕

直至2021年1月左右，女友發現意外懷孕，事主坦承沒有做安全措施，最終家人都支持女友生下來，因此她沒有考DSE，專心養胎生B，兩人亦奉子成婚。事主在考試後沒有繼續升學，日打幾份工，做過飲食、運輸、零售、派傳單等，太太則在家專心湊女。

雖然屋企環境唔錯，但係自己搞出嚟嘅禍，都係要自己負責任，有時返工受下氣都要，我亦都唔怕辛苦。

憂學歷低影響女兒將來

轉眼女兒已經2歲多，雖然現時月入約2至3萬，夠3人開支，但現時住所是外父的物業，身邊間中都聽到閒言閒語，事主都當聽不到，見到舊同學去旅行、吃好東西，他就從沒這些經歷。

事主坦言不會後悔，我知道自己沒有學歷，他最擔心是將來女兒長大後會如何看他，亦憂慮女兒上學後會被同學或同學家長取笑。

我真係好愛老婆同個女，我屋企人以前係俾到唔錯嘅生活我，我都希望可以俾到好嘅生活屋企人，可惜我暫時做唔到，要怪就怪自己以前冇好好讀書。

網民鼓勵事主進修

網民紛紛大讚事主是好爸爸，「欣賞你有承擔，負責任」、「肯承擔肯負責已經好叻仔，你想高收入啲可以考慮半工讀？」、「你個女將來會好自豪，因為有你依個好爸爸」。

另有網民鼓勵事主進修，「如果本身樓主有想讀嘅科/想做嘅工作，會唔會考慮趁宜家讀返書」、「聽你講屋企經濟環境唔算差，咁日頭返工夜晚讀書，考個學位or考個牌番嚟可能唔使咁辛苦返幾份」、「你可以考慮吓做入境/報海關，學歷唔使好高，人工又穩定」。

💯備戰考試季！立即下載免費試題👉🏻【中英數常識試題下載】

下載HKET App，追蹤TOPick WhatsApp頻道，睇全方位資訊：

【全港中小學選校資訊】 【名校專區升學攻略】

【兒童健康百科】 【職場文化智慧】 【家事百科全書】

責任編輯：王明芳