福祿壽訓練學院丨郭珮文陳懿德化身人肉獎座　Juliana舉「金電視」十數小時考十數小時

由阮兆祥、李思捷、王祖藍主持的TVB節目《福祿壽訓練學院》在本周日晚（4月14日）播出第3集頒獎禮篇。除3名導師及24名學員各施各法扮鬼扮馬，福祿壽還廣碌人情卡邀請大批好友嘉賓，今日（4月10日）首先曝光的助陣好友是擔任大會司儀的林曉峰。

至於在首集以「戀柱」及「Just a 竹」 造型引發不少話題的兩位「扮工室助理」郭珮文（Juliana）及陳懿德，來到頒獎禮篇，除以超亮麗晚禮服登場外，還扮演不同風格的「人肉獎座」，並會無定向在節目不同環節「老是常出現」，以搞怪造型刺激觀眾眼球。

福祿壽訓練學院丨郭珮文Juliana瘋狂發呆　「東張女神」陳懿德連環出手暖心補鑊【多圖】

▲ 《福祿壽訓練學院》「扮工室助理」郭珮文（右）及陳懿德。

陳懿德獲封最強武器

「人肉獎座」對於兩位助理主持來說繼續是很大挑戰，除因為連身衣造型難Carry之餘兼很難著外，由於2人要在長達十數小時的錄影過程中多番舉起雙手「扮獎」，故對二人來說亦是體力挑戰。

在《福祿壽訓練學院》第1、2集扮「碌竹」的德德，今集獲製作組貼心照顧為其度身訂造「金球假手背囊」，好讓德德肩頸得以休息，令德德大呼感動：「製作組驚我個膊頭同條頸太攰，所以就為我設計咗呢隻假手，等我唔使將隻手舉足十幾個鐘咁辛苦。但原來佢都幾重同幾掗拃，我頭先喺走廊都唔小心攻擊到幾個路人，工作人員笑我係『最強武器』。」

▲ 德德有「貼心假手背囊」。

談到打造造型過程，德德坦言單是為身上的金色菲林「定位」已花掉兩個小時：「總共有幾個姐姐係咁釘釘釘，我都有意外被拮咗幾吓，好難先可以令到啲菲林fix到位。」

德德續指，著衫及除衫亦是十分艱難：「除衫都要幾個人幫手，好似金蟬脫殼咁，著嘅時候又係4、5個服裝姐姐一齊出力、幫我將件衫轉轉轉番上去。」德德表示由於造型相當難搞，故此她亦盡量少飲水避免去洗手間。 

▲ 陳懿德

考驗Juliana臂力

至於Juliana的造型單是臉上金色部分也要分先後兩次上色，即使沒有菲林加持，耗時亦需要兩小時。

其造型同樣蝦人著，皆因設計超級貼身，問到擁有美好葫蘆形身段的Juliana穿造型前有否刻意節食，她卻謂：「放棄咗節食架喇，有肚腩都唔緊要啦。我冇特別打底呀，因為呢件衫好薄，打底嘅話會好明顯。呢件衫去廁所要成套除晒，同埋自己一個係拉唔番件衫上去嘅。」

Juliana又笑言該身造型有一個意料外的side effect，就是一整天與外界失聯：「因為隻手係包住晒，所以成日都用唔到手機。」

▲ 郭珮文

除造型惡搞，Juliana在頒獎禮篇的任務亦十分惡搞，為配合節目錄影及效果，她需要十數小時持續舉著一個「金電視」。

雖然「金電視」是由發泡膠打造，但要長時間舉起亦相當考驗體力及臂力，現場所見，Juliana每逢嗌cut都必定一臉辛苦地放下「金電視」回氣，但一Roll機亦馬上入戲展現笑容。

她在錄影前亦笑言對自己的臂力沒信心：「以前我手力好好架，但因為4、5年冇做過運動，依家都有啲擔心。」

最新影片推介：羅子溢專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5