小學辯論賽｜「你哋係咪嬲我呀」協恩團隊13年後現況曝光 曾任教老師：做咗律師
撰文： 林綺玲
發布時間： 2024/04/12 13:39
最後更新： 2024/12/12 07:26
▲ 「你哋係咪嬲我呀」協恩團隊13年後現況曝光，曾任教團隊女生的老師向TOPick表示，有女生現從事律師工作。
【你哋係咪嬲我呀/你係咪嬲我呀/小學辯論賽/協恩中學附屬小學】「你哋係咪嬲我呀」女生近日爆紅！一條2011年小學辯論賽油蔴地天主教小學（海泓道）與協恩中學附屬小學的辯論對決片段，近日在社交媒體被重新上載後瘋傳，協恩隊的女生在辯論期間問對手：「你哋係咪嬲我呀？」引來網民O咀兼爆笑！有任教過協恩辯論團隊女生的老師，向TOPick透露其中女生於13年後今日現況。
最新影片推介：
你係咪嬲我呀｜油天男生回應獲讚
當時兩間小學進行聯校小學辯論賽冠軍賽，以「香港兒童真幸福」為辯題，正方是油蔴地天主教小學（海泓道），反方是協恩中學附屬小學，雙方正進行自由辯論環節。讀油天的姓陳男同學擔任正方第二副辯，而協恩女生則擔任反方結辯。當陳姓男同學說完自己論點後，協恩結辯女生進行反駁，當說出「友方同學我哋辯論成日等唔等於我哋幸福呀？」，之後反高潮突問：
友方同學，我答完你到你答我，你哋係咪嬲我呀？
言論一出，正方團隊都「O晒咀」，男生便回應：「今日我嬲唔嬲你，同呢個辯論比賽有乜嘢關係呀？」，反方兩名女生再追問「你究竟嬲唔嬲我呀？」，男生激動強調：「我哋不如做咗正經嘢先，而家打辯論比賽，唔好玩啦」，再返回辯題說出理據，獲得全場掌聲。
之後協恩第二副辯打圓場道：「睇嚟你今日唔答係咪嬲我，睇嚟你真係好嬲呀！」旁邊提出問題的結辯女生也面露笑容。
你係咪嬲我呀｜協恩老師：做咗律師
該場辯論賽於2011年7月舉行，最終由正方油天的辯論隊勝出，陳同學成為最佳辯論員。13年後片段突然翻紅，曾任教過協恩辯論團隊女生的老師向TOPick表示，辯論隊中有女生現已成為一名律師，作風低調，相信團隊中的女生對片段翻hit也感到驚奇。
🎓全新TOPSchool全港中小學校搜尋器，入HKET App即睇！
💯備戰考試季！立即下載免費試題👉🏻【中英數常識試題下載】
下載HKET App，追蹤TOPick WhatsApp頻道，睇全方位資訊：
