BB改名｜想兒子生得高大聰明又靚仔　港爸問AI得出呢17個名激嬲老婆　

【新手爸媽/BB改名/AI/人工智能】以前BB改名可能會靠算命師或改名APPS，但早前有港媽想幫BB改名，老公竟貪方便竟用AI幫手，最後系統共輸出了17個名字，結果老婆鬧爆兼嬲到震「唔知依家AI先係BB老竇定佢先係！」。

最新影片︰

港媽在香港討論區發文怒斥「叫老公幫BB改名，老公走去問AI」，她稱本以4大條件「我想個仔靚仔啲，聰明啲，生得高啲、運氣好啲」為大前提，叫老公為BB改名，點估到老公轉頭走去搵AI幫手，最終得出17個結果，而老公覺得有幾個都真心好聽，仲叫老婆揀一個，結果激嬲老婆。

▲ 港爸用AI幫BB改名，得出17個名卻激嬲老婆。（《BB來了》劇照）

起初AI搵了一系列有吉祥寓意的名字︰

1.智宇-智慧的宇宙，寓意聰明才智、無限潛能。
2.美峰-美麗的山峰，寓意生得高大俊美。
3.靚賢-帥氣而有才華，寓意聰明俊俏、有才有貌。 
4.龍威-龍之威力，寓意力量強大、運氣旺盛。
5.勇健-勇敢有力，寓意勇敢堅強、健康有活力。 
6.明運-光明的運氣，寓意運氣好、前途光明、智慧光芒四射。
7.浩然-浩然正氣，寓意品格高尚、擁有正義感。 

後來爸爸再希望AI提供更多的名字建議，而AI就提供了「具有中國傳統美德和吉祥寓意的名字」。不過亦提醒港爸「名字的選擇應該是個人而言，因此請依據您的喜好和寶寶的個性來選擇。」

1.瑞昌-寓意吉祥如意，前途光明。 
2.昊天-寓意天空廣闊，抱負遠大。 
3.宏達-寓意志向遠大，前途光明。 
4.建華-寓意健康長壽，家庭幸福。 
5.明亮-寓意光明正大，才華橫溢。 
6.宜人-寓意和諧愉快，人緣廣闊。
7.貴和-寓意富貴和諧，家庭幸福。 
8.明理-寓意聰明正直，品德高尚。
9.勇毅-寓意勇敢有志，意志堅定。
10.鵬飛-寓意志向高遠，前途不可限量。

港媽續說「雖然好似都改到有文有路咁，都叫做正常名，但我好似真係冇一個揀得落手。老公仲要話好有多都幾好聽，叫我揀一個。分明就係佢懶得諗！唔知依家AI先係BB老竇定佢先係！叫佢幫BB改個名都咁唔上心！仲要問AI真係好嘢!」

中小學測考季即將來臨，TOPick精選名校的中、英、數、常練習題：立即免費下載

HKET App已全面升級，TOPick推出親子、健康、娛樂、港聞及休閒生活資訊及影片，立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5