張致恒一家丨雯雯初步懷疑有腫瘤　兒子入院愛犬患癌兼被逼遷

張致恒（Steven）與太太區燕雯（雯雯）常在網上呻窮，日前雯雯更自爆與媽媽早斷絕母女關係。在今日（5月3日），雯雯於個人社交網上載一條以「最難過的一星期」為題的短片，列出這星期遇上連串不幸事件。  

片中，先出現雯雯在醫院的照片，寫道：「首先就係，自己唔舒服，去咗急症，初步懷疑係腫瘤，要等化驗報告同深入檢查……。」

接著，便是約兩歲的細仔朗朗發燒入院，雯雯指：「朗朗持續成個星期都係高燒狀態，今次去急症，分流咗係緊急，即刻照X光入院，我完全冇準備下，就陪佢一齊入咗院，做一連串檢查……」

張致恒一家丨區燕雯首度講娘家　張致恒太太表明與母親斷絕關係

▲ 雯雯早前表示與媽媽已斷絕母女關係。

Steven兒子不斷嚇醒喊

她再指，首次離開朗朗一個人在陌生的地方，並指護士關門綁住兒子抽血，她只能夠在門外等候，當聽到朗朗嗌及喊，她也忍不住流淚，並指朗朗因此家都會不斷嚇醒喊，要捉住她才肯入睡：「最後醫生話佢有輕微嘶哮症，白血球比正常低，如果返去再燒要即刻返病房（總括，係因為佢早產發生嘅一連串，再加強免疫系統好低，好容易感染）」。 

雯雯續指：「醫院第一晚，佢完全唔肯喺張床，我就只可以孭住佢，得幾歲又要經歷……孭咗5小時，天光終於可以放低佢。成晚來來回回見到好多唔同嘅故事，令我覺得，其實發生咩事都唔怕，最可怕係身體唔健康，好想喺度祝福所有小朋友能夠健健康康。」 

張致恒一家｜張致恒興奮透露有禮收　獲贈主題公園門票

▼點擊圖片放大

+12

+11

雯雯愛犬不幸患癌症

然後，雯雯更指連愛犬也難逃厄運疑患上癌症，無奈地稱：「呢個星期完完全全好似我一生唔好嘅野一次過發生。短短7日時間，承受嘅壓力我已經再抖唔到氣，心身都覺得好累，我自問已經冇氣力再撐到任何的事情。」

最後，她又再次表示沒錢交租被逼遷：

结尾就係全家病哂，一個月就算姐姐到左都冇正常工作冇收入 ，換來嘅就係冇交租要搬走，但事實我地又點可能有一筆錢去租新地方，就算有，香港都唔會有人租比（畀）我地（哋）。比著以往我會想盡辦法保住個屋企，乞…..甚至出賣自己都要保住個屋企。但呢個星期發生嘅已經令咩力氣都冇，自己持續肚痛，仲要日夜夜照顧朗朗，擔心狗狗。我宜家就算要瞓街，咩都冇晒，我只希望所有小朋友同狗狗可以健康，唔好離開我。

有網民留言慰問或鼓勵，但也有人表示Steven是否又會再出QR code網上眾籌求網民幫過難關。

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5