夫妻關係｜港男被裁2個月每日早出晚歸　妻子偶遇前同事驚悉心痛真相

【失業/裁員/加班/轉工/加班/OT】中年失業，還要養妻活兒，難免感到徬徨。近日一名港女在網上發文，指丈夫在2個月前被公司裁員，卻一直隱瞞自己，每日如常上班，又經常稱要加班。直到早前她偶遇丈夫的前同事，一問之下，才得悉丈夫失業的真相，原來他被裁員後，找了一份搬運的工作，每天早出晚歸，以應付家庭開支。

該名港女在香港討論區以「發現老公連失業都唔同我講…」為題發帖，指早前在街上偶遇丈夫的同事，對方提到其丈夫在2個月前離開公司，詢問他現在是否已找到工作。由於樓主並不知道丈夫失業，因此「唔知畀咩反應」，該名同事表示，因為公司生意差要裁員，樓主丈夫不幸成為裁員的對象。

最新影片：

港男失業瞞妻子2個月

樓主回想過去2個月，丈夫每日早上照常出門，「日日都9點話開工」，更不時需要加班、夜歸，樓主原以為他只是轉工，故一直不以為意。

偶遇前同事當日晚上，待丈夫回家後，樓主一邊哭一邊問他，「點解發生咁多事都唔同我講」。丈夫表示被裁員後，擔心家中的經濟壓力變大，加上市道差，難找到同類工作，「佢覺得有手有腳一定冇問題，走咗去做搬運」，又稱不想太太傷心，因此一直隱瞞。

樓主得知真相後，坦言十分心痛，表示自己沒有怪責他，「知道佢好努力緊」，又說自己要努力打理屋企，「等佢放工可以舒舒服服抖下」。

網民打氣：兩公婆迎難而上

帖文一出，不少網民都紛紛留言為樓主夫婦打氣，「兩公婆齊心，難關好快過」、「兩公婆一齊迎難而上，加油」、「自尊問題啫，唔好怪佢」。網民又大讚樓主夠體諒，「好彩你都明白同體諒你老公」、「你老公唔慘，起碼仲有你關心」、「樓主係個好老婆」、「經濟差真係好多人失業，要互相體量生活不易」。

亦有不少男網民深有體會，「做一個好男人真係好大壓力」、「有時男人唔想你擔心，同你講你可以幫到佢咩？」、「你真係嫁咗個好老公喇」、「畀我，一樣唔知點樣開口同老婆講」。

🎓全新TOPSchool全港中小學校搜尋器，入HKET App即睇！

💯備戰考試季！立即下載免費試題👉🏻【中英數常識試題下載】

下載HKET App，追蹤TOPick WhatsApp頻道，睇全方位資訊：

【全港中小學選校資訊】 【名校專區升學攻略】

【兒童健康百科】 【職場文化智慧】 【家事百科全書】