情緒困擾｜中學死黨突輕生亡遺言僅留1隻字　港男悔恨無見最後一面：珍惜朋友

健康資訊

撰文：羅嘉欣

發布時間： 2024/05/07 11:33

熱門東張西望超市大搜查九龍城寨之圍城名校專區癌症殺手家族榮耀之繼承者高才通到校服務會員有獎

▲ 中學死黨突輕生亡，遺言僅留1隻字，港男悔恨無見最後一面：珍惜朋友。

【情緒病/朋友／輕生／自殺／抑鬱】人生無常，一定要珍惜身邊的家人朋友。一名港男近日在網上發文表示，早前獲知中學時最好的朋友自殺過身，整個人變得渾渾噩噩，後悔沒有見朋友最後一面，於是發警世文勸諭大家要珍惜朋友，「唔好等到有日連一齊傾下嘅機會都無先去後悔」。

最新影片推介：

一名港男昨日（6日）在連登討論區以「有無人都試過最好嘅frd走咗」為題發文，指前幾日早上突然收到中學時期最好的朋友哥哥打來的電話，稱其弟弟已經自殺過身。

當下只係嗰腦震咗震，無話好悲傷，但嗰心就揦住揦住咁。

隨後，樓主看回對話記錄，發現上一次與這位朋友聯絡已經是半年前，「咁啱係我開始拍拖嘅嗰段時間」。而在樓主拍拖前，兩人通常會一、兩個月聯絡一次，「即係我有女之後就無再搵過兄弟」。

樓主又指，在這位朋友去世前幾天，他突然想約他出來吃飯，惟當時有另一位朋友準備從外國回來，於是打算一起約出來，「點知就再無機會約了」。這件事之後，亦讓樓主深陷自責之中，他表示，這位朋友本身朋友不多，經常待在家裡，如果這半年自己有聯繫他，可能結果就會不一樣。

我呢幾日不斷喺度諗，如果我嗰日有搵佢出嚟，大家坐低食餐飯吹下水，會唔會就救得返佢呢？

目前，樓主仍處於渾渾噩噩的狀態，「訓醒起身呆坐喺床邊，望望下嗰天就哭咗」。他又回想起中學時與朋友一起玩的畫面，

嗰陣有啲咩都一齊做，玩又一齊玩，從來都係得你一個知晒我所有秘密，我有咩大事都係第一時間同你講。

他又後悔無見朋友最後一面，「既然你都決定咗，點解唔嚟見最後一面呢？不過都係發下晦氣，我知你受嘅痛苦比我多好多，願你喺嗰邊無苦無痛，安息啦」。不過，至於朋友離世的原因就不得而知，「佢留俾我哋嘅遺言得一隻字，可能佢都唔想我哋諗太多」。

樓主稱，不知道自己何時會走出悲傷，當下可以做的只有好好生存。他又勸諭大家，如果有許久沒見的朋友，不妨約出來聊天談心。

有時候人嘅崩潰真係一瞬間，唔好等到有日連一齊鳩下嘅機會都無先去後悔。Take care, don't die.

帖文發出後引發不少網友的感慨，「香港幸福指數=戰亂區，個人好易唔開心同抑鬱，好易自殺」，並安慰樓主毋須自責，「呢啲位千奇唔可以怪自己，你可以唔開心，但係唔可以怪自己唔做多少少，好快你就會怪自己無做啲乜做少啲乜，跌入呢個循環你就準備有心理病」、「試過有個朋友，同佢出完街講byebye，大家分開上車返屋企，果晚凌晨就收到佢消息果晚撞車就走咗。果時都有諗同佢玩多陣先走，佢就唔洗死，但後尾諗通咗，整定就整定，唔洗自己格硬拎個責任上身」。

更多留言請看：

▼點擊圖片放大