郭晉安歐倩怡離婚｜梁思浩去年遇郭晉安露離婚端倪　爆歐倩怡早已為未來生活做準備

郭晉安與歐倩怡於上周四（2日）在社交網發表離婚消息，結束18年婚姻，令不少人感到惋惜。

曾與郭晉安在80年代處境劇《城市故事》合作的梁思浩，日前在自家YouTube節目上，與主持之一的吳家樂談及郭晉安與歐倩怡離婚一事，並自言在年半前已經得悉事件，而且在圈中早已是公開的秘密。

郭晉安歐倩怡離婚丨夫婦近5年沒同框　郭晉安歐倩怡最後公開合照藏玄機

去年曾遇安仔露端倪

思浩說：「我撞到好幕後工作嘅要員，我哋見面嘅第一句說話係：『點呀，你哋知道咗幾耐？』，我就話年半前就已經知，另一個就話已經知道2年。」

他又指在去年新年某超市撞到安仔：「咁啱我去咗郭晉安屋苑附近嘅超市買嘢，呢個係我嘅習慣，逢禮拜日7點鐘我就喺嗰店度買嘢，嗰陣我記得係農曆新年，我見到佢一個人去買嘢，我冇打擾對方，但係多多少少有啲感覺到，因為以前多數係佢哋見到一pair去買嘢，當然喇，我亦都知嗰陣佢哋已經分開咗。」

▼點擊圖片放大

+4

+3

為離婚生活做準備？

思浩又指在某年某月某日知道兩人已經分開，原來他接到朋友來電，對方稱是代朋友找工作：「我聽到郭太、郭晉安太太話要出嚟做嘢，你知一個女人突然間要出嚟做嘢，唔多唔少會感覺到啲嘢，我知佢要做嘢嘅原因。」

而且，近年歐倩怡重返校園修讀營養學學士課程，似乎為離婚後的生活早好準備。

▲ 歐倩怡重返校園修讀營養學學士課程。

讚安仔為人

思浩指與安仔相識多年，更讚對方是一個循規蹈矩的人：「我哋第一次合作唔係喺《城市故事》，而係喺1985年嘅《獅子山下》已經合作。佢係一個好循規蹈矩嘅人，到而家只要日頭有一杯熱奶荼飲吓，佢嘅人生已經好滿足，佢嘅生活係好安於現狀同簡單。」

他直認十分欣賞安仔為人：「因為佢冇因為喺呢個圈太多年而改變自己嘅性格，返工就返工，可能飲埋杯熱奶茶就埋位做嘢，放工就放工，係娛樂圈少有嘅踏實之人。」

在旁的吳家樂表示讚同：「我哋開工嘅時候成日傾偈，因為佢睇好多書，有好多人生嘅經歷可以分享，有時我哋傾吓湊仔心得，佢有好多方法去照顧小朋友。」

▲ 郭晉安與歐倩怡

增值自己

歐倩怡曾在訪問上談到淡出原因，除了因為舅父的一句話而啟發，再加上她不想與老公郭晉安做同一行，而萌生轉行念頭。

多年來歐倩怡除了進修營養學和健身之外，還考到船牌、學打鼓、商業及心理學、航空理論課程等，現已成功做到註冊營養師，下個目標是考機師牌。

▼點擊圖片放大

+7

+6

婚姻曾陷入危機

歐倩怡一直忙讀書，郭晉安也一直忙於拍劇而患上抑鬱症，相處時間愈來愈少，導致兩人婚姻曾陷入危機，一度冷戰長達半年之久。

歐倩怡在訪問中亦透露過，她想闖出新事業投入營養師工作，郭晉安則減產幫手照顧一對子女，她坦言郭晉安對於她重投職場做全職工作，「之前都有少少話吓！」但她直言在孩子初生時，自己也處於「退休」狀態，只是湊返學放學和做運動，她不想就此過下半生。

最新影片推介：

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5