人口老化︱70歲肥媽擁19名子孫仍搵定老人院養老 自責愚孝害死母親
家事百科
撰文： 王明芳
發布時間： 2024/05/08 12:51
▲ 70歲的肥媽已搵定老人院養老。
【肥媽/人口老化/老人院/高齡化】香港人口持續高齡化，老人院需求高，但在中國人老來從子的傳統觀念中，不少長者都不接受住老人院，但有開明的長者則會為自己諗定後路。日前肥媽(Maria Cordero)在小紅書中上載影片，已年屆70歲的她，縱使擁19名兒孫，但仍搵定老人院養老，她表示因為受母親影響，當時覺得自己的愚孝害死媽媽。
最新影片:
肥媽在小紅書上載影片，她透露當年請了3個工人1個司機照顧阿媽的起居飲食，以為是給媽媽最好的照顧，但其實是愚孝，
我阿媽幾醒，一早就搵定老人院，佢就係覺得自己行動不方便、開始失禁，所以有醫生會好啲，但我哋諗住有工人。
▼點擊圖片放大
+7
+6
但肥媽得知媽媽找了幾間老人院，她卻不准媽媽去，後來肥媽與已離世的丈夫去旅行，患上糖尿病的母親腳上有傷口，3個工人因缺乏醫療知識未能及時作出適當的處理，母親最終離世，
我阿媽搵咗幾間老人院，我都唔畀我媽去，我愚孝！後來我同我老公去咗四日泰國旅遊，我媽有糖尿病，佢搲損咗個傷口，啲菌上咗腦。
所以肥媽就算現在兒孫滿堂，坦言不會依賴子孫照顧，會倣效母親，為自己預定老人院床位：
老人院我都買埋啦。
💯備戰考試季！立即下載免費試題👉🏻【中英數常識試題下載】
下載HKET App，追蹤TOPick WhatsApp頻道，睇全方位資訊：
