中年好聲音丨邱芷微與吳大強登台表演炒熱全場氣氛 　Chelffy被讚唱功專業

於《愛回家之開心速遞》飾演「賈名媛」的邱芷微(Chelffy) 一向熱愛唱歌，日前與《中年好聲音》唱將吳大強於香港仔登台，兩人首度合作具壓台感，全場high爆。

Chelffy表示poster未出街，主辦單位VIP優先預訂場已售罊，反應超熱烈：「我都係第一次做主唱，本來都好擔心有冇人睇。但估唔到原來咁叫座，所以主辦方想我同Uncle Bill再加場。」

邱芷微與于天龍合唱歌獲獎　透露歌曲有意思感謝男友陪伴身邊

參加《中年》後有領悟

問到兩人首度合作有何趣事分享，吳大強表示太太讚芷微專業：「我太太好少跟我出席晚宴show, 佢一聽到有賈名媛就好開心，仲讚佢一啲都唔似新人，做show好專業，唱得又好。」

隨即在旁的Chelffy亦笑言自己於比賽時未開竅：「以前我唱歌好拘謹，都係參加完《中年好聲音》之後，同班唱將們交流得多，加上接多咗show不斷鍛鍊，因此現在嘅我才變得更收放自如。」

吳大強亦笑言於比賽中習慣跟後生們合作：「同佢在encore時即興合唱《鐵血丹心》，估唔到大家冇夾過都咁有默契，呢啲歌佢都識唱，所以希望大家都支持佢。」

▲ Chelffy與吳大強合唱開心。

Chelffy與吳大強工作忙碌

談到兩人近況，Chelffy透露近日除了忙於商演及劇集拍攝之外，還要兼顧幕後工作：「最近正在籌備小朋友戲劇演出，所以都忙於選拔小演員，寫劇本及教做戲等。」

另外，吳大強表示最近從加拿大度假返港後忙於商演：「公司都幫我接咗好多商演，所以返到嚟都要不停練歌籌備，例如5月尾要去伊館為區瑞強擔任表演嘉賓，仲有六月尾《中一》嘅演唱會等。」

▼點擊圖片放大

+6

+5

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5