億萬駙馬丨伍富橋贈鑽戒賀結婚兩周年　反被太太質疑：點解你有咁多錢？

TVB藝人伍富橋（Alvin）與梁兆楹（Shirley）在2022年5月8日結婚，因為女方是富家千金，由此伍富橋被外間封為「億萬駙馬」。

伍富橋婚不時在社交平台分享生活滴，因為當中可見Alvin成生駙馬後食得好、住得豪的的富貴生活，因此甚受備受討論。

億萬駙馬丨伍富橋無懼得罪太太另類放閃　億萬千金Shirley神還原大熱貼圖

▲ 伍富橋與梁兆楹結婚後被封為「億萬駙馬」。

「億萬駙馬」被太太質疑

二人在昨日結婚兩周年，伍富橋為做愛妻號，想盡辦法氹老婆慶祝。從他在個人社交平台分享短片所見，身為歌手的他唱太太最愛的Twins歌曲，而且與太太到餐廳撐枱腳。

當中重點是伍富橋向Shirley送上巨型鑽戒，從影片所見，他先問太太：「老婆，你上次咪話好想知我個秘密禮物係咩嘅？」然後他送上一個bling bling戒指盒，Shirley即笑問：「個驚喜係咩嚟呀？係咪得個盒上面有閃石裡面冇？等我睇下先！」

她接了戒指盒後打開，即驚喜同時又愕然地問：「嘩，點解嘅？邊個買畀你？邊個叫你買呀？」伍富橋回答：「咩買俾我啊，我買俾你㗎。」可是太太再問：「邊個畀錢你買呀？」伍富橋再無奈回答：「我自己囉！」

但太太繼續質疑：「你自己攞錢出嚟買？點解你會有咁多錢嘅？」於是伍富橋解釋：「每個月儲啲儲啲就有。」

▼點擊圖片放大

+4

+3

Shirley：要密切咁觀察你

之後，Shirley戴上伍富橋所贈水滴型鑽戒，但繼續問丈夫：「真定假㗎？水晶嚟呀？咩呀？Mom畀錢你重新鑲呀係咪呀？冇可能！冇可能！你點解會有咁多錢？」伍富橋沒好氣地答：「你呢個咩問題？你試下啱唔啱先啦！」

不過Shirley繼續說：「靚啊，但點解你會有咁多錢？點解呀？我而家要重新考慮你呢個人。你講大話呃我呀，我係唔會沉溺喺呢啲物質上嘅嘢，我而家要了解件事嘅根源，就係你係一個好多秘密嘅人，我而家開始要密切咁觀察你。」

▼點擊圖片放大

+6

+5

伍富橋「幻想破滅」

接著，伍富橋也笑言：「幻想嗰啲感動、流涕、擁抱，係唔會出現喺我老婆身上，睇嚟要再努力啲搵錢！有興趣減肥，增肌減脂，越野跑訓練，吹水，打發時間，歡迎DM！」

有網民覺得伍富橋花錢氹老婆反被質疑很可憐，另一方面這是夫婦二人的打情罵俏耍花槍的方式，十分有趣。

最新影片推介：

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5