東張西望何伯丨新何太急進取100萬何伯全無戒心 背後或源自何伯孤寂欠缺愛？

近日不少港人的茶敘話題，都離不開七十六歲何伯，於街市邂逅比他年輕三十載的女人，而短短一個月後，二人就閃電結婚了。

「好在佢個細女醒目，早一步提走四百五十萬元，否則阿伯好快就人財兩空啦！」女兒在未知會父親的情況下，將銀行共同戶口的錢提走，以為會被公眾罵她忤逆，豈料全城卻異口同聲支持她。

「依家咁多食肆結業，佢老婆竟然要求佢拿一百萬元俾她做飲食生意，擺明係呃佢錢啦！」新婚太太如此急進，阿伯竟然全無戒心，難道她灌他喝的湯是叫迷湯嗎？

「你睇佢全身行頭呀，又金撈、又鑽戒，慌死人睇唔到咁，太誇張啦！」我卻有疑問，假若她較為收斂低調，是否會增強說服力和支持度？

當眾女人議論紛紛之際，席間男友人突然開腔：「咁啲錢係阿伯嘅，佢有權決定點用㗎！」眾人為之一怔，他又不無道理喎！「唏，就係怕佢臨老過唔到世啫，依家就先要求提取一百萬元，咁四百幾萬好快就提空喇噃！」有人反駁。

男友人低吟：「咁個女人俾到佢快樂嘛，可能佢五個仔女俾唔到快樂佢呢！」男性角度看事情跟女人果然截然不同，大家似乎聚焦於損失金錢的機會上，卻沒有關注阿伯的行為可能是源自孤寂，欠缺愛。

我經常打趣說，世上騙徒都最諳心理學的，他們最了解你的心事，清楚該從哪個弱點埋手會最奏效。孤獨老人姑勿論是男或女，這年頭都是騙徒打主意高危一族，若不幸被盯上了，噩運就會接踵而來呢！

💯備戰考試季！立即下載免費試題👉🏻【中英數常識試題下載】

下載HKET App，追蹤TOPick WhatsApp頻道，睇全方位資訊：

【全港中小學選校資訊】 【名校專區升學攻略】

【兒童健康百科】 【職場文化智慧】 【家事百科全書】