親子自助餐｜港麗酒店自助餐震撼價買一送二　$197起歎冰鎮海鮮晚餐任食波士頓龍蝦

休閒消費

撰文：林綺玲

發布時間： 2024/05/13 13:06

最後更新： 2024/05/13 13:06

熱門林明禎超市大搜查破·地獄名校專區糖尿病靚媽精明眼藥物百科聖誕好去處北上攻略會員有獎

▲ KKday推出港麗酒店自助餐買一送二震撼優惠，低至$197起歎冰鎮海鮮，晚餐更可任食波士頓龍蝦。

【港麗酒店/自助餐優惠/自助餐買一送一/買一送二】自助餐優惠「買一送一」已經好抵，原來仲可以抵到「買一送二」！KKday正進行五星級港麗酒店咖啡園自助餐「買一送二」優惠，買一位成人即可帶同多一位成人及一位小朋友，最啱一家三口，連加一每人只需197元起，即可歎盡多款冰鎮海鮮、刺身壽司、特級牛肉眼等，晚餐更可任食波士頓龍蝦、澳洲和牛等，每位客人更獲贈兩隻日式磯煮凍鮑魚。

最新影片推介：

香港港麗酒店自助餐廳咖啡園提供環球海陸美食，其中「海陸珍寶薈萃」自助晚餐讓客人品嚐豐盛海鮮如波士頓龍蝦、大蝦及蜆，更可於戶外燒烤區品嚐多款惹味烤肉如澳洲和牛牛頸脊、紐西蘭羊架等，另有澳洲穀飼100日牛肉眼、紅燒原隻十頭鮑魚、北京片皮鴨等。

甜品方面有士多啤梨拿破崙、藍莓芝士蛋糕、朱古力布朗尼、焙茶慕絲蛋糕、蘋果金寶及任食Haägen-Dazs雪糕，還有指定啤酒、果汁及汽水無限添飲。

而「國際美食自助午餐」亦提供冰鎮海鮮如海蝦、翡翠螺、青口及蜆，並有特級牛肉眼、中式燒味、精選烤肉，以及多款意式麵食由廚師即席烹調。同樣可以任食Häagen-Dazs雪糕，精選果汁無限添飲。

▼點擊圖片放大