FM520丨容祖兒師弟曾傲棐推出甜蜜出道作　Arvin首拍MV驚阻人收工

英皇00後新人曾傲棐（Arvin）在今日（5月13日）推出出道作品《FM520》，歌曲由Jay Hong、INDY、Jaykick作曲編曲、陳詠謙填詞，廖志華監製，是一首sweet到爆的R&B小情歌。

歌曲關於「五種愛的語言」，包括甜言蜜語、全程望着對方的精心時刻、真心禮物、服務行動及令人心跳的身體接觸，典形水瓶座的Arvin自言是一個很需要跟別人傾偈的人，「歌名嘅『FM』就係stands for『frequency modulation』，希望喺愛情入面可以搵到一個同頻嘅人，唔使講好多嘢已經勝過千言萬語。」

不如食豪D丨李幸倪自揭大馬坐擁數千呎大屋　Gin Lee被封「萬年銀獎」：笑咗出嚟

▲ 曾傲棐《FM520》MV。

曾傲棐自認「多廢話」

Arvin求知慾強又怕悶，討厭背書、卻喜歡涉獵世界上所有冷知識，上至為甚麼蛋黃醬一定要用雞蛋、下至IMAX的規格，這位跳脫新人都可以打開自己的「雪櫃冷知識」分享不停。

整天講東講西的Arvin，今次收到陳詠謙的歌詞時便十分喜歡，覺得充滿自己「吹水佬」的特色：「呢隻歌當然係一隻好sweet嘅歌，但係有啲位例如歌詞『然後扮演小魔星』，又或者喺演繹嘅時候，我都會比較偏向用自己一啲百厭啲嘅唱法去表達俾大家聽，希望大家可以了解多啲我其實有時候係一個冇厘正經嘅人。就算追女仔，我都唔會一本正經，反而講好多廢話。」

▲ 曾傲棐《FM520》MV。

沒有包袱地唱

Busking出身的他，最初不太習慣於錄音室錄音，需要時間掌握busking與錄音在技巧上的分別：「一開始覺得自己係零，諗太多點呈現監製要求嘅效果而變得綁手綁腳。好多謝監製廖志華提點。」

他續指：「同埋其實有啲take我哋過咗，喺錄音室嘅時候，但我哋就覺得如果想行遠啲就要再做得好啲，我就同華華講：『你唔好放過我呀！你覺得有少少唔得，就算啲音可以執到，你都俾我唱多take啦。』」最後沒有包袱地唱，碰撞出不同可能性，作品亦達到令人意想不到的效果。

最新影片推介：周家蔚專訪

拖女仔手感緊張

在MV內，Arvin飾演一個來自外太空其他星球的人，在他乘坐的太空船內，有一個通訊裝置，他不斷調頻看看有沒有其他人可以跟自己對頻，「好好彩同到一個地球嘅女仔synchronize咗，通到話，我就嚟到地球，接埋佢一齊向着我哋未知太空嘅旅程進發，就好似大家搵到自己啱嘅另一半，喺未知嘅愛情入面探索唔同嘅可能性。」

首次拍攝MV，面對多部攝影機的Arvin坦言十分緊張，「一路以嚟就算唱歌都好，都係自己匿埋喺屋企衣櫃度錄歌，哈哈。第一次有啲緊張，好驚阻住人收工。」

除面對鏡頭，拖女仔手亦令他大為緊張，稱：「好耐冇同人拖過手啦，呢個MV雖然唔算多親密接觸，但係第一次拍MV就有女仔、又要拖手，係有啲緊張。」

▲ 曾傲棐《FM520》MV。

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5