家庭教育｜出身高學歷家庭=贏在起跑線？　網民揭1關鍵影響子女人生

小朋友的出身於高學歷家庭有更多支援，不過又是否「贏在起跑線上」？有網民在連登討論區發文，好奇若父母都是高學歷者，是否對子女成長有更大優勢。網民就此意見不一，一方認為高學歷父母提供資源和眼界，而一方認為親子關係中父母學歷的重要性是其次，反而有一項是滿足孩子健全發展的關鍵。

最新影片推介：

樓主在連登討論區以「父母係大學生嘅人究竟係點生活」為題發文，表示很多父母生活富裕，但未必與高學歷掛鉤。樓主再舉例子，若父母是專業人士，懂英文而且任職某公司高層，甚至學歷比自己高，會否更擅於為子女規劃末來，「由細到大都好識教你點讀書」？

網民意見兩極

帖文引起不少網民分享自身經歷，歸納網民意見認為高學歷父母對子女學業上、未來就業的幫助，亦有指認為高學歷父母會造成子女壓力，不過有網民怨恨父母無學識。

有人認同高學歷父母能為子女在學業上和未來就業上能提供意見，能夠及早規劃好子女的人生。有網民分析，高學歷父母人脈較廣，通常會安排子女入名校，認識大量知名校友，然後代代相傳。其次是眼界好闊，家裡有一定教育水平及經濟基礎，鼓勵子女放膽追夢，去旅行見識世界。

網民：天生贏家人中龍鳳

此外有網民以過來人身份分享「父母係大學生嘅生活」，透露父母自小會為他鋪路，計劃報讀興趣班及補習，部署入讀心儀學校，投身社會父母都是靠人事關係幫自己找好工作。「出嚟做嘢就uncle公司搵埋位俾你」，直言生活一帆風順，結婚生子後可以惠及下一代。

高學歷父母 VS 低學歷父母

然而有當局者卻認為，高學歷父母要求子女滿足自己期望，導致不少孩子壓力過大。「如果你滿足唔到佢地嘅standard（標準），佢地講嘢就會好難聽，同埋會由心底睇你唔起。有兄弟姐妹嘅話，會直接放棄滿足唔到佢地standard（標準）個個」、「老豆就係碩士生，然後會不自覺咁自己加壓力俾自己，由小學開始會做功課做到喊」。

有網民坦白自己出身草根，曾怨恨就此走了不少彎路，「如果父母都係大學生，仲要重點係真係醒目嘅，我諗我人生條路未必會好咗，但肯定寬咗。」

1關鍵影響子女人生幸福

最後，網民指有錢有學歷未必保證締造幸福家庭，認為親子關係中最重要的還是「愛」，「有錢但唔錫你，唔有錢但好錫你，一定係後者」、「識做人，唔一定識做父母」。

🎓全新TOPSchool全港中小學校搜尋器，入HKET App即睇！

💯備戰考試季！立即下載免費試題👉🏻【中英數常識試題下載】

下載HKET App，追蹤TOPick WhatsApp頻道，睇全方位資訊：

【全港中小學選校資訊】 【名校專區升學攻略】

【兒童健康百科】 【職場文化智慧】 【家事百科全書】