音樂情人丨鄭子誠拍廣告分飾多角考演技　照顧家中四隻愛犬成強心最大動力

既是「音樂情人」也是「TVB御用奸人」去年「登六」的鄭子誠，對於如何保持心臟健康，比起以往更加高度關注。他表示：「其實香港心臟病已經有年輕化跡象，身邊都有朋友要做心臟搭橋或者通波仔手術，而家同朋友出嚟聚會，唔再係風花雪月，而係互相交流健康嘅資訊，究竟食咩補充劑，可以強化心臟健康。」

鄭子誠當強心血管健康產品代言人，並以「心血劇場」的表達手法，在廣告中帶出不同的情況下，心臟未老先衰的警號。

相濡以沫丨鄭子誠相伴抗情緒病令愛昇華　劉倩怡學懂去愛：感覺找回生命的核心【有片】

他在廣告要一人分飾多角，讓他進一步了解更多心臟問題的同時，也相當考演技：「今次拍嘅廣告好特別，係以劇場形式表達，要一人分飾多角，仲要配合一個大銀幕，去做出唔同表情、動作，同以往拍嘅廣告，坐喺度講一大堆對白，完全唔同，構思好有『心』。」

除拍攝手法有「心」思，導演知道鄭子誠是愛犬之人，專登帶家中愛犬前來探班，令他喜上「心」頭，稱：「平日我除咗會打網球鍛煉身體，我屋企有四隻狗，可以話對我幫助好大，因為同佢哋去街、去玩，當去做運動，令我有更大嘅動力。」

稍後，鄭子誠將會投入新劇拍攝，工作時間日夜顛倒在所難免，說：「一開工，起碼有幾個月時間天昏地暗，希望到時仍然可以兼顧到電台嘅工作，其實兩個工種都好消耗體力，但無論幾忙，最緊要係可以保持到心臟健康。」

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5