東張西望何伯丨「新何太」自稱正直善良否認煲湯落壯陽藥 76歲何伯豪言:後生仔唔夠我嚟!

娛樂

撰文: TOPick柴犬出動

發布時間: 2024/05/15 12:22

最後更新: 2024/05/16 11:16

分享:

分享:

《東張西望》何伯豪言自己身體好稱:「後生仔唔夠我嚟!」

《東張西望》報道何伯與「新何太」成為網上熱話,在昨晚(5月15日)《東張西望》內,主持「東張女神」梁敏巧訪問在街市經營報紙檔的陳生陳太,他們憶述當日「新何太」如何逐步向何伯「灌迷湯」,直指「新何太」不懷好意。

另一方面,梁敏巧在昨晚《東張西望》訪問何伯與「新何太」,對於街坊及網民指控,二人逐一作出回應。

東張西望何伯丨街市檔主揭「新何太」如何「迷魂」何伯 無奈稱: 第1日就勸佢小心啲

《東張西望》主持梁敏巧訪問何伯與「新何太」。

東張西望丨「新何太」自認光明磊落

對於「新何太」被指灌「迷魂湯」,何伯反駁:「冇提過錢呢個說話,冇!佢哋話:『俾迷魂湯你,迷你。』,我話:『唔會,飲落幾精神呀!越飲越精神。』又有料,越飲越精神。」

另外,「新何太」被指在街市尋找目標,專向戴名錶、金鍊的阿伯落手,主動加微信,然後更在湯中落壯陽藥,何伯聽後即笑道道:「開玩笑。」

她一臉無辜地稱:「我唔識呢啲嘢。」之後,何伯代太太回應表示,自豪稱:「冇咁嘅事,我OK嘅,啲後生仔唔夠我嚟呀,假嘅咩?你睇我身體。」

然後,「新何太」申冤稱:「我份人行得正企得正,去到邊我都光明正大,光明磊落(嘅)一個人,因為我似我老竇咁正直善良,我只係會去維護正義嘅人,我同情啲弱者,我會對抗啲惡人。」

《東張西望》

東張西望丨何伯搶答護妻

至於有指何太一到街市便四出找「獵物」,何太稱:「我冇印象」對此何伯又搶著護妻回答:「我答得唔得?佢第一句同我講,我嗰時喺隔籬買報紙,揸住啤酒同佢傾下偈,我同佢感情好,佢問我有冇男人介紹一個,我話唔得喎!」

之前聲稱「冇印象」的「新何太」突然又「回憶返晒嚟」,一向知「用詞要好啲」的她糾正何伯,稱:「我(當時)問你(何伯)有冇好男人,幫我留意一個,做老公嗰啲,我想搵個好老公。」何伯續稱:「佢叫我同佢搵吖嘛,(何太:有好就話,我想搵個單身嘅),一係契女,老婆又得,唔係喇!我就留返自己用,做老婆,咁我就一句做老婆,做我老婆,我留返自己用。」

《東張西望》

東張西望丨回應四圍搵男人指控

另外,「新何太」對於由指在街市主動找男人加微信,何太澄清:「就跟一個髮廊師傅加微信,因為我當時想開一間單剪,想同佢合作。」

「新何太」更補充指該髮廊師有妻有女,解釋加對方微信只因為她也想開髮型店,稱:「到底香港開單剪髮型屋,需要咩證件?」原來「新何太」懂煲湯及煎牛扒還懂剪髮,堪稱「多功能老婆」。

《東張西望》

東張西望丨何伯稱感情由淺入深

同時,梁敏巧提到網民指何伯「戀愛腦」,而何伯以為網民指他年長,何太插口解釋說:「講得難聽咪批評我先生臨老入花叢。」何伯聽後回應:「我前妻走咗9年,我未搵過女人,真係冇掂過女人,未搵過,啱啱等到9年之後撞啱佢,感情到喇!緣份到喇!咁就鍾意咗佢。我哋由淺感情一路深落去,同佢結婚囉。」

何伯更強調:「我愛佢愛得啱嘅,有佢照顧我下半生,我就好開心。我啲錢,到時我剩咗啲錢,結咗婚留畀佢就啱嘅,留畀仔女冇用,冇幾耐就散晒。」

對於被指二人關係發展太快,何伯反稱:「佢急,啱我心水,嗰時我都唔夠膽,初初我主動追唔夠膽,佢有意思就最好啦!早就睇中佢,我一眼就鍾意咗佢。」

《東張西望》

最新影片推介:周家蔚專訪

HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5