東張西望何伯丨何太撐夫變賣龍鳳鈪套現 何伯直斥子女無人性:我就算點都要直撐落去

娛樂

撰文: TOPick柴犬出動

發布時間: 2024/05/16 10:19

最後更新: 2024/05/16 10:55

分享:

分享:

何伯之亂繼續播!

《東張西望》訪問忘年夫婦何伯何太成為城中熱話,「何伯之亂」續集連續幾晚播映,昨晚(5月15日)《東張西望》播出一集何太否認曾三度結婚,自爆遭前夫家暴。

東張西望丨何太發誓:以後變窮光蛋

她續稱居住的公屋跟前夫離婚後才申請,兩人曾度過住劏房的日子,「我哋一齊捱劏房。之後由於性格不合就離婚,我攞到身份證就同囝囝一齊申請呢間公屋」。

節目裡何太更發毒誓:「如果我講任何大話,我以後搵唔到錢,窮光蛋一個,好唔好?得未,最夠毒㗎喇!因為我理想係要賺好多好多錢」。

東張西望何伯丨「新何太」自稱正直善良否認煲湯落壯陽藥 76歲何伯豪言:後生仔唔夠我嚟!

「何伯之亂」續集繼續播映。(影片截圖)

另外,主持梁敏巧訪問何太囝囝,對於「何伯」這位繼父,他說:「一開頭聽我媽講過搵到新男朋友 ,仲要年紀咁大,我係接受唔到,簡直覺得阿叔臨老入花叢。佢阿叔而家同我媽相處咁好,我都戥佢哋開心。」

囝囝大讚何伯:「以前個爸爸呢……又打又鬧我阿媽。而家叔叔脾氣又好,對我阿媽好好,對我都好。(點好法?)會買小食畀我,會去麵包舖買麵包」。說到網民誤解媽媽貪錢,阿囝力撐:「我睇得出佢絕對唔係啲咁嘅人。」

點擊圖片放大
+13
+12

東張西望丨何伯:唔好話係我仔女

此外,網上曾出現自稱「何家子女代表」的帖文,提及當日於銀行提取450萬只為了保障何家自身的利益,對此何伯勞氣說:「佢哋一分錢都無幫手搵過,無存錢入銀行,細個由我養大,供書教學,佢哋幾時有養過老竇! 」

至於何太稱變賣何伯送贈的龍鳳鈪,更蝕了兩萬元,何太說:「瞓街都支持佢嘅,同佢一齊瞓 ,呢刻唔撐佢都唔係人。」對於被網民抨擊,何太大呼「好慘」兼爆喊。

何伯亦大鬧仔女無人性,嬲到面紅耳熱的何伯說:「喺街千祈唔好話係我仔女,我衰唔起。」之後又安慰何太兼說:「我就算點都要直撐落去。」

最新影片推介:周家蔚專訪

HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5