家族榮耀之繼承者｜張鳳妮登場網民激讚超凍齡 演機心二太太睇足劇本三次
撰文： TOPick柴犬出動
發布時間： 2024/05/17 18:13
▲ 張鳳妮真係無乜走樣！
TVB劇集《家族榮耀之繼承者》近日播映中，除了佘詩曼和林峯「合體」演出夠吸引力外，息影28年的前港姐張鳳妮復出是一亮點！
劇裡張鳳妮所演的「邵家碧」為守義（羅嘉良飾）二太太，今晚（5月17日）播出的第5集，講述羅子溢所演的智斌主動與家碧相認，相隔30年的母子相認，張鳳妮將兩種不同層次的「喊戲」拿捏得十分精準，可說「演技大爆發」。
家族榮耀之繼承者丨進撃的「車震女」生擒林峯 林雪卉被指馮盈盈周汶錡混合體
家族榮耀之繼承者丨相隔28年再與撈家攜手合作
1987年憑藉參加港姐入行的鳳妮，較令人深刻的作品有《同居三人組》、《餐餐有宋家》、《天地男兒》及《苗翠花》等。
張鳳妮於1996年年尾離開無綫，她剖白出山原因是總監製梁家樹親自邀請，由於鳳妮相隔28年再與撈家合作，因而勾起《天地男兒》集體回憶。
近日不少網民還翻出鳳妮昔日靚相與《家族榮耀之繼承者》做對比，大讚現年 57 歲的鳳妮保養得宜和氣質特別：「女人味十足，很有風情」、「很有觀眾緣，年輕時很有靈性」、「凍齡有術」。
家族榮耀之繼承者丨凍齡秘方：冇乜飲凍嘢
對於獲讚凍齡，張鳳妮笑言感恩媽咪遺傳了好基因，並坦言自己保養方法很簡單：「我媽咪皮膚好好，到70歲都仲係皮光肉滑、冇雀斑。如果問我自己嘅保養心得，我諗我係因為飲水飲得多，同埋盡量冇乜飲凍嘢，通常飲衡溫嘢。同埋都有Keep住做吓facial同運動。」
另外，網民大讚張鳳妮演繹豪門少奶入型入格，鳳妮受訪時坦言事前做足功課，共看了三次劇本：「呢個角色好大挑戰，所以我先接拍。功夫我做得好足，但未做到最好。我初初睇劇本，頭兩次係當故仔咁睇，去了解（角色）頭段、中段同 Ending 嘅分別。之後再每個場口去 mark 應該點做。」
鳳妮續說：「同埋我盡量唔想做到咁乞人憎，所以我對三個小朋友都一視同仁，希望令到角色睇落有少少可憐嘅感覺。呢個角色對我嚟講難度非常高，我都仲未能夠做到最好，希望觀眾睇咗之後畀啲意見我。」
家族榮耀之繼承者丨感激「阿仔」帶入戲
鳳妮坦言起初入劇組狀態不太好，並感謝羅子溢帶她入戲，當中最難忘一場講述她帶阿仔見已過身的父母。
她說：「嗰場戲主要都係我講對白，子溢冇乜對白，不過佢畀我嘅反應係開始眼紅、熱淚盈眶，然後捉住我隻手，呢啲畀到我好足嘅戲，我可以跟住佢嘅情緒做反應，到佢叫我阿媽時，我就有眼淚流到出嚟。呢場戲好似第四、第五日左右拍嘅，我拍完就好似開咗竅咁，個人安心咗，啲戲之後都做得放咗，因為我知道子溢可以帶到我戲。」
最新影片推介：周家蔚專訪
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
