網絡熱話丨85歲輪椅婆婆截的士　等足45分鐘無車肯接載港男為外婆出氣鬧爆司機

【拒載/的士/歧視/好人好事/網絡熱話】的士拒載再起爭議！有港男於網上發文控訴的士業界疑對殘障人士歧視，指其85歲並需坐輪椅出行的外婆日前與外傭於北角路邊截的士，豈料「足足等咗45分鐘的士」，竟然沒有一輛的士停下。正當她們主僕2人不知所措時，慶幸遇上一位好心的燒味師傅出手幫忙，才能成功截上的士。

最新影片:

該名港男於Facebook群組「的士司機資訊網 Taxi」發文講述經過，指其85歲、坐輪椅的外婆日前與外傭於北角截的士，期間多輛的士徑自駛過，完全無意慾停下，令主僕2人「足足等咗45分鐘的士」。就在此時，附近一位燒臘舖師傅疑看不過眼，於是決定出手幫忙。

燒臘舖師傅睇唔過眼行出嚟扮自己截的士，第一架就停低，點知見到輪椅就話交更又話唔識路，扮第二次截先有個勉為其難車我阿婆...

港男指外婆當日所付的車費共150元，他亦難以想像若非有好心人協助，外婆還要等多久才能上車，氣忿的他因此大罵業界的士司機是「垃圾」，「唔好扮樹大有枯枝，唔好扮清泉」。

事件曝光後，即引來網民熱議，有網民對事件感同身受，「唔好講話老人家坐輪椅，我個女仲係細嘅時候抱住佢截車。好多的士佬已經唔停車。」、「明白你感受！我成日預到」、「我接我老豆去醫院除咗call收貴d個款輪椅車都無其他方法了」；不過亦有人質疑事件真偽「150蚊order（訂單）點會冇人做？」、「識得係度作文，唔識call車」；有人則認為的士司機可能惜浪費時間上落客，所以不太情願接待輪椅客人。

▼點擊圖片放大

+2

 

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5