《艾粒旺角十大酷型頒獎典禮》下周一售票　宣傳照「酷型」登場Call齊人馬遊旺角

二人男子組合艾粒（ILUB）將於9月5日至9月6日於麥花臣場館舉行《艾粒旺角十大酷型頒獎典禮》，屆時艾粒將化身「可怕教主 DT」及「JY 大哥」帶團遊旺角。

ILUB 今年選址旺角開騷再放笑彈，原來與他們剛出道時的歲月有關，稱：「嗰陣我哋成日喺旺角拍節目，希望借呢個特別嘅地方為粒粒粉創造更多回憶，而且麥花臣有與別不同嘅魔力，好鍾意騷 15分鐘仲可去篤串魚蛋先入後台嘅感覺！」

《艾粒旺角十大酷型頒獎典禮》門票將於下星期一（6月24日）正式公售，ILUB於售票前分享又「酷」又「型」的宣傳照，呼應這次主題，更叮囑粒粒粉記得打扮成飛仔飛女，一齊於旺角留低腳毛。

ILUB強調：「男嘅著瀨屎褲，女嘅著露褲袋短牛，最緊要靚過凱婷咁嚟睇騷！」公開售票將於6月24日上午10時開始，於Cityline正式發售。

info

《艾粒旺角十大酷型頒獎典禮》

日期：9月5至6日

地點：麥花臣場館

時間：晚上8時15分

票價：$600 / $800