報告-TOPick好物試用｜Smartech"Intelligent Chef"3合1健康蒸烤焗爐 (價值$2,998)

試用專員: Wing😊

謝謝選中我做試用專員，我交功課喇😆拎左部Smartech Intelligent Chef 3合1健康蒸煮焗爐成個星期，尋日假期先得閒開箱📦

開箱喇📣📣呢部Smartech Intelligent Chef 3合1健康蒸煮焗爐，外型非常智能又靚仔😍，size岩岩好，唔會好大座，又唔會好細部，好適合一般家庭使用。配件好簡單有蒸架，烤架，炸架加本說明書😙

睇完本說明書，最重要係後面食譜，樣樣食物都好似好簡單，因為老公鍾意食海鮮，所以我決定第二日整胡椒蝦比佢食🤣

買左一斤蝦，洗好醃好放落隻細碟到因為我驚部機唔夠闊，點知細碟放唔哂一斤蝦🤦🏻‍♀️，心唸唔通要分2次煮，咁好唔方便啫🥲，咁就試吓放隻正常size碟，然後拎去放蒸煮爐，原來係足夠空間，真係唔好睇少佢細細部，攪好setting，start就開始煮啦，我就另一邊箱炒菜，話咁快就有得食喇👇🏻

嘩😍我係新手媽媽，確實煮野唔叻，但都肯煮肯學既，老公食之前我都好謙虛同佢講左句唔知好唔好食嫁😆點知老公食食下問仲有無飯，我話無喇，最尾仲要係食哂全碟🤣🤣

總結：我覺得呢部3合1蒸煮機好方便，平時要煮完一樣還一樣，第一樣餸都凍哂，所以這部機可以慳返時間，另外，我仲想整蛋糕仔，麵包比我個寶貝BB仔食，因為自己整健康又放心，值得推介比每一位😙

再次多謝TOPick選我做試用專員呀😘

▼點擊圖片放大

試用專員: Lee Ka Wing

我已經使用了Smartech “Intelligent Chef”3合1健康蒸烤焗爐接近一個月，體驗非常良好。這款機器操作簡單，能輕鬆上手。處理過程簡單快捷，無需繁複的設置，便能輕鬆完成各種烹調。機身設計也很方便清洗，不用擔心油污積累。

我以蒸烤焗爐製作了麻糬球、新鮮薯條、乾果、焗豬扒飯等小食及主食，還有一般翻熱食物，都非常方便快捷。每一道菜都能保持食材的原味和營養，令家人都讚不絕口。尤其是自製的乾果和新鮮薯條，不僅健康，而且口感極佳。

非常感謝TOPick及Smartech送出的這款優質產品，期待未來有更多機會試用Smartech的其他創新廚房電器。這次的體驗讓我對烹飪充滿了樂趣和信心，真的非常推薦給大家！

▼點擊圖片放大

+7

+6

試用專員: 盧先生

以前家中只有多士爐，雖說也可以烤魚、烤肉，但體積小，又沒法知道及控制溫度，難於使用。

Smartech “Intelligent Chef”3合1健康蒸烤焗爐三合一的功能太方便了。食譜見有三文魚，介紹用蒸烤功能，瞬即吸引了我。以前只能用鑊煎、用多士爐烤三文魚，免不了是乾、硬。今次用蒸、烤功能，180度，30分鐘，魚扒雖厚，由於有蒸氣補濕，皮甘香而肉質潤滑。煮了一頓簡單西餐，太美味可口了。操作簡單，開機後選功能、按Temp加減溫度、按Time 加減時間，最後按啟動就開始煮食，十分直觀方便。

感謝讓我有這機會試用及享用Smartech “Intelligent Chef”3合1健康蒸烤焗爐。

▼點擊圖片放大

+2

試用專員: m

呢款Smartech 3合1健康蒸烤焗爐，有16種預設烹煮方式，用於日常煮食好方便。我就試咗用部機黎整雞翼，將醃好咗嘅雞翼擺入去，旋轉按鈕選取雞翼模式，就可以開始煮，相當簡單。除此以外，呢部機具有自動除垢功能。就算煮食過後發現整污糟咗，撳兩個掣等部機自動清潔，之後再用布抹下，就可以保持乾淨。

▼點擊圖片放大