不婚主義︱32歲港男月入12萬 單身不婚預備花100萬找代母生仔

健康資訊

撰文: 黃堯姿

發布時間: 2024/07/10 16:08

最後更新: 11 小時前

分享:

分享:

【不婚主義/代母/單親爸爸/愛情/兩性關係】有錢就能隨心所欲?一名港男高薪厚職,亦是專業人士,他年薪過百萬卻無心愛人;喜歡小朋友卻寧願花100萬到美國找代母,打算獨力養大仔女。無須婚姻用愛成家的決定,猶如透過赴美買精子、先後誕下4名子女的內地女CEO葉海洋,卻遭到網民評擊:「有錢唔係萬能」!

最新影片:

想生仔欲赴美尋代母

該名32歲港男在社交平台Dcard發文,指自己有成家立室的想法,但沒有「拍拖或結婚」的打算,故此正打算去美國找代母生小朋友。男事主指,自己和父母很喜歡小朋友,有意讓父母一嚐「抱孫」的喜悅,惟坦言自己「唔想投入任何一段關係」。

高薪厚職為報答父母

男事主從事法律行業,平日工作繁忙,但勝在收入穩定人工高,月入約12萬元,當中有四分之一用作支付家用,「兩萬蚊畀父母,一萬蚊比細佬」,可見十分孝順。他指,自己從小很感恩父母養育之恩,「畀到飽飯同埋舒服嘅屋企,要養起我同細佬洗咗好多錢」。男事主的弟弟比他小11歲,自小有學習障礙並送到外國讀書。故此,男事主自小很懂事,不但孝順父母,亦非常照顧弟弟。

一直以來我都係覺得賺到嘅錢應該回饋畀父母,因為佢哋咁多年都好辛苦,又以前住住石硤尾寮屋,去到而家叫做事業穩定,有車有樓,我好尊重佢哋。同埋我覺得作為兄長,俾細佬喺外國讀書少少零用錢係應該嘅。

無心拍拖因成本太高 寧願獨立養子

男事主雖然是傳統男校出身,但異性緣不錯,不過一談到愛情就住口不談。他表示自己曾經使用交友軟件約會不同對象,但一想到拍拖洗費很大,直言「成本太高」。

前一兩年,我都有試過用交友app去出去拍拖,但係無奈我真係覺得拍拖成本太高。食一餐午餐,就已經用咗我250蚊,記得嗰日唔開心咗幾個鐘。

他承認自己對於拍拖比較「孤寒」,「對於拍拖我真係一蚊都好計較,一方面係睇唔到伴侶比到咩價值自己」,故寧願將錢慷慨花費在家人和朋友身上,也不願花在約會上,對朋友「送個成萬蚊嘅銀包」都覺得值得。他亦表示自己平日算是節儉,「自己食飯一係工人煮,茶餐廳食都唔會過$70」,一年最大的洗費就是每年一次歐遊,視作「重要嘅投資」,用來擴闊眼界和洗滌心靈。

對於自己無心「玩愛情遊戲」,他早已下定決心,預留100萬元到美國請代母生仔,另外亦為未來子女預備了220萬元現金和50萬元儲蓄基金。

相關文章:黑市代孕|愛子病重急籌醫藥費 90後媽媽做代母賺錢遭拖欠22萬報酬

網民聲討:錢唔係萬能

帖文下惹來不少網民熱議,大部分網民反對男事主打算一人養大小朋友的決定,指「你咁忙有時間陪小朋友咩」,掀起罵戰。男事主表示,父母願意幫忙照顧小朋友,加上一個中年親戚姨姨非常願意接手照顧。有網民指,祖父母的愛與父母給予小朋友的愛是不同的,就算有家人願意照顧,小朋友仍需要父母的愛。亦有網民批評他剝奪小朋友的母愛,是不負責任的行為,直指「錢有時真係唔係萬能」,就算生活富足,亦會長遠影響小朋友的成長和價值觀。

點擊圖片放大
+6
+5

年輕人不婚5大原因

香港的單身人士人數不斷增加。根據本港統計處資料顯示,在2022年,已婚女性人數為197萬人、男性人數為179萬人,較2021年分別減少1.2%及0.6%。而首次結婚的年齡中位數,女性及男性分別延後至30.7歲及32.2歲,與2021年相比再遲0.3歲。到底為何年輕人越來越崇尚「不婚主義」?

根據家計會最新「青少年與性研究」發現,在1,200名18至27歲受訪者中,有7%受訪者表示打算終生不會結婚或同居。家計會榮譽顧問、研究小組委員會主席葉兆輝分析指,現今青年不婚原因有如下:

點擊圖片放大
+5
+4

HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5