關曜儁再做爸爸湊夠一個「好」字 寄望囝囝將來成就如江旻憓般封世一
娛樂
撰文： TOPick柴犬出動
發布時間： 8 小時前
最後更新： 8 小時前
▲ 關曜儁再做爸爸。
TVB藝人關曜儁（Leo）去年娶圈外女友楊韻璇（Twinkle），二人育有女兒關凱妃，兩年抱兩，關曜儁在昨日（7月28日）報喜，宣布愛妻順產，湊夠個「好」字。
關曜儁在IG公布喜訊，並表示︰「辛苦太太了，上天賜咗一個好字畀我哋！」囝囝出生重2.68公斤，關曜儁稱已一早為兒子改英文名叫Torres，而女兒跟爸爸英文名字頭，兒子則跟媽媽英文名字頭，兒子與爸爸一樣屬獅子座。
撞正江旻憓奪金
再度榮升爸爸的他笑言：「本來同老婆諗住睇凌晨江旻憓出戰，點知凌晨一點老婆見紅，最初以為係『狼來了』，跟住老婆作動，於是出門趕去醫院，點知未趕及打無痛分娩就要入產房，姑娘仲好彩我哋嚟得快，如果唔係喺屋企生！」
兒子出生一刻撞正江旻憓奪金，關曜儁稱：「我就喺產房見證住我老婆攞金牌。」更盼望兒子將來亦可以是世界冠軍。
