漸漸我們丨呂爵安JACE《拉闊音樂會》後默契提升 Edan陳凱詠合新歌MV演過氣情侶
撰文: TOPick柴犬出動
發布時間: 3 小時前
最後更新: 3 小時前
▲ 呂爵安與陳凱詠合唱情歌《漸漸我們》。
MIRROR成員呂爵安(Edan)與陳凱詠(JACE)首度合作推出合唱情歌《漸漸我們》,二人更參與MV演出,深情演繹一對過氣情侶的角色,不過老友鬼鬼的二人,在鏡頭後卻笑料不斷,令拍攝現場籠罩著歡樂氛氛。
Edan與JACE的個性總予人開心果的感覺,但今次二人卻選擇推出一首深情的《漸漸我們》,就連JACE也摸不著頭腦,表示:「我開頭都話唔想咁深情,可以輕鬆啲開心啲,甚至唱跳,點解要咁深情?」
Edan為大家解開這個謎團,道:「開頭都討論咗一段時間咩方向,有試過想R&B、唱跳或者情歌,同監製T-ma都傾過,佢都真係整咗唔同嘅demo俾我哋,最尾揀咗最容易入腦、最有感染力嘅〈漸漸我們〉,同埋香港好耐都冇呢種男女合唱嘅情歌,都覺得係一個好嘅機會推出,下次再玩其他啦!」
拉闊音樂會丨Edan與Jeffery跳唱《今期流行》 Marf與JACE齊演繹《It Hurts》
![](https://static04.hket.com/res/v3/image/content/3805000/3809652/EDAN_JACE_202408115_2111_1bB_600.jpg)
![](https://static04.hket.com/res/v3/image/content/3805000/3809652/edan_jace_20240815_0002_600.jpeg)
![](https://static04.hket.com/res/v3/image/content/3805000/3809652/edan_jace_20240815_0001_600.jpeg)
![](https://static04.hket.com/res/v3/image/content/3805000/3809652/edan_jace_20240815_0004_600.jpeg)
![](https://static04.hket.com/res/v3/image/content/3805000/3809652/edan_jace_20240815_0003_600.jpeg)
![](https://static04.hket.com/res/v3/image/content/3805000/3809652/EDAN_JACE_202408115___2b_A211A_600.jpg)
3年前結緣
說起二人的合作,大家必定想起最近才舉行過的《拉闊音樂會》,但其實Edan在3年前已與JACE結緣,他回憶道:「《拉闊音樂會》再對上一次嘅合作係《激安百貨》,但一直都冇諗過音樂上合作嘅念頭,直到拉闊。」
JACE也補充道:「既然都做得拉闊,就不如做隻合唱歌玩下啦!」Edan也點頭續道:「同得JACE合作當然唔好嘥,同埋過去有合作過,佢都算係一個幾好嘅合作對象,都有少少火花,有少少夾到,就不如把握今次機會。」
埋位前不用培養情緒
3年來建立的友誼與默契,也便利他們在《漸漸我們》MV中飾演過氣情侶角色,不用培養情緒就可以直接埋位拍攝,JACE表示:「拉闊嗰一次演出嘅默契,當然係源自《激安百貨》,所以今次MV演出培養感情係唔需要㗎!一埋位就俾到,你見到我哋行嘅步速,都冇夾過,竟然都剛剛好!」不過Edan觀察到JACE在拍攝當日的一些微細舉動,忍笑說:「同埋今日(拍攝當日)JACE嘅情緒係100分,見到佢係咁眨眼⋯⋯」
JACE見Edan突然搞鬼,也配合搞笑,補充道:「因為我投入角色,見到前度,心情好複雜,唔知點算好,一亂呢就眼都係咁眨。」Edan聽到JACE的答案即回應:「咁下次睇下JACE喺啲咩場合,會係咁眨眼先!」此時JACE即反問佻皮的Edan:「咁你見到我係咩情感?」Edan也繼續戲言,表示:「我係好豐富地空白,見到前度,就空白晒囉!」
最新影片推介:袁偉豪專訪
惡作劇失敗收場
有Edan的現場就有歡樂,好似在《漸漸我們》MV的現場二人一直有講有笑,令全場籠罩著開心的氣氛,但這次Edan卻遭遇連環不幸失策事情,他說:「其中一個shot係拍我,JACE影背脊,但佢對住我扮鬼臉,結果我認唔住笑咗囉,真係,點解佢咁可愛嘅,伸脷喎!」
失策事件更包括偷偷與工作人員及其他演員夾定,要來一場惡作劇,可惜卻失敗了。Edan說:「開製作會議時,突然諗起不如玩下JACE,如果我同MV中佢嘅男朋友仔拖埋手跟住走,睇下佢咩反應。」
可是結果JACE竟然冇反應!JACE也一臉無奈表示:「你哋做得唔夠說服力,你哋拖手嘅時候,我唔知你哋做咩囉,如果你哋稍為有多啲進展,我會俾到多啲。點解你可以寓工作於娛樂,咁都整個prank(惡作劇)?你知有啲嘢要還㗎呵!?死梗呀佢。」似乎都可以預計,JACE之後將會還擊了,大家就拭目以待啦!
HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5