同居少女諸事卜丨蘇皓兒被陸駿光肉麻追求 Chloe擇偶重視價值觀不受年齡界限
撰文: TOPick柴犬出動
發布時間: 2024/08/16 13:26
▲ 《同居少女諸事卜》
Viu Original本地原創劇《同居少女諸事卜》故事講述三位女主角雲浩影(Cloud)、吳家忻(Kayan9896)和蘇皓兒(Chloe),各具不同個性,在同一屋簷下如何面對感情問題。
當中Chloe在劇中飾演「男仔頭」性格,不僅一反女神形象,更糾纏於陸駿光與鄧月平的曖昧三角關係,由於她在劇中不時要被陸駿光肉麻追求,常常挑戰忍笑極限,「焗蟹」收場。
同居少女諸事卜丨雲浩影首任劇集女一緊張 鄧月平自揭獻出「第一次」
每次Cut機全場爆笑
Chloe跟陸駿光首次合作,講述Chloe在健身室打工,被老闆陸駿光瘋狂追求,為奪Chloe芳心,陸駿光更出盡法寶,長期對她單眼放電、送花、大講肉麻說話,出盡冧功,不過無論鏡頭前後Chloe似乎不太受落。
她說:「同佢嘅對手戲係好難忘,因為每一場佢都chok到盡,長期對住我單眼,有場戲講我要去健身室同佢匯報公事,我講嘅對白係相對認真,但係對住佢好多時都忍唔到笑,唯有背對着鏡頭『焗蟹』,每次現場cut機之後,大家都爆笑,估唔到陸駿光平時啲戲咁認真,拍喜劇可以咁好笑。」
現實中,Chloe笑言可接受年紀較大的男士追求:「我接受到年紀差距,我覺得愛情唔係睇外表或年紀,而係睇內在,所以兩個人嘅價值觀同相處夾到就OK。」
求神問卜尋找寄托
《同居少女諸事卜》以占卜為主題,那麼Chloe又是否迷信的人?
她表示:「呢幾年都開始會睇一啲星座命理風水嘢,但本身我都唔算太迷信,但有時生活中有啲事情改變唔到,就會靠一啲求神問卜去令自己有個寄托。試過一次有啲不實報道,自己覺得好無聊,但又有啲唔開心,都有去拜神令自己好過啲。」
最新影片推介:袁偉豪專訪