反起跑線聯盟2丨林家熙怕辛苦陳欣妍愛自由「唔想生」 潘燦良爆周家怡比小演員更貪玩
撰文: TOPick柴犬出動
發布時間: 2024/08/16 14:01
▲ 《反起跑線聯盟2》
ViuTV原創劇《反起跑線聯盟2》內,林家熙(Locker)和陳欣妍再次參與劇集演出, Locker笑言「老婆」陳欣妍比上季憔悴不少,還說因這套劇集嚇怕而「唔敢生」。
他指 :「舊時我成日想有自己嘅家庭,生小朋友,但自從拍完第一季之後就唔想喇,因為真係好辛苦,平時放工都唔夠時間休息。導演劉偉恆叫我試吓生,但收音師話畀我知生完係冇時間瞓覺。」
反起跑線聯盟2丨周家怡自稱戇居居少被老師鬧 朱茵識寫英文地址全靠惡老師
讚囡囡演技進步
至於陳欣妍對於生小朋友就表示:「我呢兩年嚟都冇改變,唔到40歲都唔會生,因為我仲好享受自由。」
相隔兩年再見回劇中的囝囝囡囡,大家也有不同感覺。陳欣妍稱囡囡演技大進步,令她哭笑不得:「佢會記埋我哋啲對白,現場會捉住我哋對劇本,仲叫我哋『有啲層次,慢慢由細聲鬧到大聲,我唔驚嘅』。」
最新影片推介:袁偉豪專訪
周家怡指囝囝影帝上身
另外,周家怡就大讚劇中飾演自己囝囝的Billy(徐立德飾)影帝上身,仲會同大人研究劇本,稱:「上次都要帶住佢哋點演,呢次佢會傾劇本,由演員角度出發問問題,研究前文後理,真係專業嘅演員咁。」
而上季在小演員面前保持嚴肅和距離的潘燦良,來到第二季已被小朋友融化,更指:「我同劇中嘅囝囝已經好好關係,開工盡量唔太過份,唔令佢地太興奮,總之佢地唔玩到心散就可以。」
燦哥還指,掛住玩的反而是周家怡。家怡聽後忍不住反駁:「我冇玩呀!我不知幾乖呀!」說完二人也忍俊不禁。
HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5