貧窮家庭︱吳業坤「散叫凍檸茶」潮文導出窮人心聲 15大生活日常中幾多個?
撰文: 王明芳
發布時間: 7 小時前
最後更新: 7 小時前
▲ 坤哥的潮文引起很多活在貧窮的人共鳴!
【吳業坤/窮/窮人/公屋/潮文】藝人吳業坤早前發表一篇潮文「散叫凍檸茶」,內容大致想講,獨自吃米線的時候,令他回想起當年參加《超級巨星》時,跟參賽者一起食米線,對方飲完跟餐的凍檸茶後,再散叫一杯$18的凍檸茶,當時在旁的坤哥非常震驚,表示「貧窮限制想像,真係有人會散叫凍檸茶。」而15年後的坤哥,雖然現在已經脫貧,兒時住在公屋的他,仍然知慳識儉,到現在都是沒有「散叫凍檸茶」。
最新影片:
有網民就在連登討論區發文,數出窮人家庭通常會做的15大行為。今次坤哥率先示範了「散叫凍檸茶」!綜合網民意見,盤點出香港窮人家庭15大生活日常,看你屋企中了多少個?
窮人家庭︱1.沐浴露、洗頭水用完加水入去
網民:「普通家庭用剩洗頭水,都會加少少水,唔好嘥嘢下次用埋佢。窮人家庭就加水加到成樽,再用多幾十次。」
窮人家庭︱2.食隔夜餸
食剩唔捨掉,有時甚至食幾餐。
窮人家庭︱3.屋企一個人不可以開冷氣
網民:「通常要等齊一家人返屋企先可以開冷氣。」
窮人家庭︱4.剪開牙膏用到盡
網民:「我係每次用就大力揈幾吓揈到無為止」
窮人家庭︱5.用不銹鋼碟吃飯
又有人嘲為「狗碟」,不少窮人家庭都會用不銹鋼碟裝飯餸,網民笑言:「其實係張摺枱配上呢種碟,先能夠帶出貧窮嘅韻味。」
窮人家庭︱6.必有摺枱摺櫈
有網民憶述:「窮人屋企地方細冇固定枱,所以買呢隻摺枱,食飯做功課先開出嚟」。
窮人家庭︱7.出去食飯狂拎餐廳酒樓牙籤
窮人家庭通常實踐「慳得就慳」,去餐廳或酒樓攞免費牙籤,有網民笑言:「我屋企一堆絕版牙籤」。
窮人家庭︱8.啲油用完要留返低下次炒餸
阿媽通常炸完食物,啲油會重用炒餸。
窮人家庭︱9.對鞋要買大一個碼
小朋友生長速度快,為了節省金錢,情願為小孩買對大一個尺碼的鞋,為求「可以着耐」。
窮人家庭︱10.未瞓醒阿媽已經偷偷熄冷氣
網民說:「夏天要瞓覺先可以開冷氣,仲要朝早未瞓醒就會俾阿媽熄咗。」
窮人家庭︱11.食飯用報紙鋪枱
舊時代資訊不發達,很多家庭都會買報紙,舊報紙可以食飯鋪枱,但其實十分不乾淨。
窮人家庭︱12.等到下午茶先食飯,下午茶餐平好多
下午茶分分鐘比午餐便宜3分1。
窮人家庭︱13.重用保鮮紙
保鮮紙其實不能重用,但慳家的窮人可能會重用1-2次。
窮人家庭︱14.用番梘沖涼
番梘比係沐浴露耐用好多,一舊番梘分分鐘可以用幾個月。
窮人家庭︱15.出呢個POST
網民反嘲:「只有窮人先諗到呢個題材」
下載HKET App,追蹤TOPick WhatsApp頻道,睇全方位資訊: