法證先鋒VI丨陳庭欣向「闊太專業戶」林漪娸偷師 TVB小花鄧美欣首次演死屍
撰文: TOPick柴犬出動
發布時間: 13 小時前
▲ 《法證先鋒VI:倖存者的救贖》
【法證先鋒VI / 林漪娸 / 陳庭欣 / 蔣祖曼】TVB劇《法證先鋒VI:倖存者的救贖》(下簡稱《法證先鋒6》)在昨晚(9月2日)播出第15集開出新個案,講國際名模Nana(蔣祖曼飾)自與馬來西亞富二代李啟(鄭衍峰飾)分手並逃回香港後,一直遇上不少驚險及離奇事件。
昨晚《法證先鋒6》,李啟母親李王愛蓮(林漪娸飾)在大女兒李玥(陳庭欣飾)陪同下抵港,並開出天價著Nana離開李啟及將腹中塊肉讓回給李家,惟遭Nana一口拒絕。
法證先鋒VI丨陳庭欣演出搶鏡
未幾Nana的香水廣告拍攝現場即發生離奇水晶燈墜落事件,Nana雖福大命大逃過一劫,但同場的大肚Model Peggy(鄧美欣飾)卻慘成替死鬼,送院後證實腦幹死亡,腹中胎兒則生死未卜。
對於新單元真兇,網民持多元意見,有人認為李玥呼之欲出,亦有人認為因為李玥的嫌疑太明顯,估計劇情後續將有大反轉,令Toby成為極具爭議性的嫌疑人。
其實昨晚陳庭欣(Toby)的演出確是十分搶焦,飾演富二代的她,每個場合的打扮都相當搶眼,尤其幻彩連身褲的造型,以及一頭幾近All Back的霸氣髮型更是相當新鮮,一點也不Toby。
法證先鋒VI丨漪娸姐演技一流
由於Toby將在劇中對純如綿羊的親弟李啟咄咄逼人、及對著Nana又恃勢凌人的狀態演繹得甚有說服力,加上不時機心及貪權樣外露,令網民相當激心,並笑言想掌Toby兩巴掌以洩心頭之憤。
其實昨晚《法證先鋒6》內,無論Toby還是「老戲骨」漪娸姐的「嘴臉」及演技均相當在線,其中漪娸姐以一副以藐嘴藐舌的狀態與蔣祖曼的談判對壘戲,更是戲味十足。
法證先鋒VI丨用「霸氣三寶」增氣勢
對於能與漪娸同場,Toby表示很開心能有機會向這位「闊太專業戶」偷師:「論霸氣我真係唔夠我媽咪林漪娸嚟。今次係我第一次同佢合作,可能因為佢演得多富裕人家,啲霸氣好勁,所以我都會觀察吓佢點演。我自己就揣摩到其中一樣嘢係,講嘢時最尾嘅語音唔可以拉得太長,簡單嚟講個tone要倔啲,唔可以太多助語詞。」
談到李玥這個角色,Toby透露原來角色比自己真實年齡年長5至8年,為增加角色的霸氣、高貴及成熟感,除有賴化妝及服裝手足幫忙打點妝容及裝扮外,Toby自己也度了「霸氣三寶」增強氣勢,分別是啞色唇膏、不穿上身的外套及超高高踭鞋。
她說:「角色用嘅唇膏都係我自己帶嘅,我主要揀咗啲啞色啲嘅唇膏,希望望落去惡啲。同埋啲外套我盡量唔著住佢,而係披住咁行出嚟希望增加到角色嘅氣勢,仲有好高嘅高踭鞋都係必須嘅。」Toby續指,劇組找來偌大兼光潔明亮的望海office作為拍攝場景,亦容易讓演員入戲。
法證先鋒VI丨平衡真實感及演員安全
另外,昨晚水晶燈墜落加Peggy被擊中倒下的場口雖然加起來只有約1至2秒,但劇組製作依然十分認真。為平衡真實感及演員安全問題,劇組在拍攝鄧美欣Venus被砸一幕花了不少心思。
劇組除以假人代替演員,拍攝角色被擊中後倒下的「肢體反應」;並以三種不同類型的道具:發泡膠球、瑜伽球、沙包砸向Venus的頭部,以尋找最合適的「被撞擊反應」。
工作人員及導演在試掟前,更貼心地為Venus測試三件道具的壓力,確保零危險才讓Venus正式落場拍攝。花絮所見,Venus起初埋位時仍是頗為驚青,不過習慣了後即能專業地投入劇中角色等候「發落」。
近年獲得愈來愈多拍劇機會的Venus,事後受訪時笑言相關特別的拍攝體驗讓她很興奮:「雖然入行已經有幾年,但我未試過拍死嘅戲,可以試到之前未試過嘅嘢覺得好開心同珍惜今次嘅機會。
最新影片推介:林正峰專訪
法證先鋒VI丨感激同事窩心慰問
Venus收到劇本後我都有做功課,例如我有反覆咁諗死後嘅姿勢同表情應該係點,同埋被砸中時會唔會有就死嘅痛苦表情。思考完之後都有自己再對住塊鏡練一練,因為死都要死得好睇啲吖嘛,哈哈。」
談到相關場口,她笑言是扮死屍時的姿勢頗為特別,以致手臂一度失去知覺:「因為我被擊中之後要瞓喺地下畀唔同嘅鏡頭影住,為咗唔好破壞『現場』,我就好小心唔敢亂郁,就係因為咁我完全唔敢郁咁瞓咗都好一段時間,結果手臂勁麻痹冇咗知覺,最後頂唔住要工作人員扶番我上嚟。」
Venus又甚為感激拍攝期間台前幕後的窩心慰問:「佢哋經常都會走過嚟問我o唔ok,特別係Joman,好關心我哋,佢係一個好溫柔嘅大姐姐。」
HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5