北上消費|北上按摩客人太多毛巾點處理? 按摩店職員揭恐怖處理毛巾方法
發布時間: 2024/09/04 11:24
▲ 北上按摩,你又知幾多貓膩
阿姐的手勢非常純熟,力度不太猛也不太弱,剛柔並重,令我的腳踝舒服極了。我由衷地讚她:「你功夫真好,謝謝你呀!」
阿姐笑時露出一口白牙:「嘻嘻,我做咗呢行二十年㗎啦!」
我是首次光顧這間足浴店,臨時走進去也有位置,不禁問:「生意還好嗎?」她果然輕歎回答:「唉,真係好靜呀,啲客都北上消費啦!」這是不爭的事實,我身邊的友好們幾乎每星期都北上去逐個區玩,那邊按摩也特別便宜呢!
阿姐撇嘴說:「便宜有乜用,長途跋涉跑上去,花咗嘅時間又點計?人多又迫又點計?」她又不是沒道理,我就是怕擠在人潮中,所以決定留港消費呢!
「仲有呀!」阿姐突然壓低嗓門像要說機密了:「我喺內地工作時見得多,有啲按摩店客太多,毛巾又邊會洗得切?有啲店係會將用過嘅毛巾直接放入乾衣機,再加啲香精,咁條毛巾咪又熱又香,啲客咪以為好乾淨囉!」我聽得雙眼瞪得大大的,太不衞生了!太恐怖了!
阿姐突然挺腰換了個姿勢:「去年條腰做咗手術,依家好番㗎啦!」也許是職業病吧,真的敬佩這些敬業樂業的職業婦女。我看她年齡大概四十多歲,跟那位城市熱話網紅相若,於是隨口問:「你有關注何伯何太的新聞嗎?」
料不到阿姐會連珠炮發激烈的罵:「呢個女人擺明係呃男人錢嘅騙子,滿口謊言,表裏不一,簡直係映衰我哋大陸女人,我喺茶餐廳啲人都罵佢,佢等天收啦!」
幸好沒有被心機女成功挑撥中港矛盾,中港人的眼睛都是雪亮的。
下載HKET App,追蹤TOPick WhatsApp頻道,睇全方位資訊:
撰文 : 鄧藹霖