武替道丨劉俊謙難忘與董瑋6層樓高拍跳樓戲 Dee哥寶刀未老展現專業精神
撰文: TOPick柴犬出動
發布時間: 9 小時前
最後更新: 9 小時前
▲ 《武替道》
由梁冠堯(Albert)及梁冠舜(Herbert)聯合執導,劉俊謙、董瑋(Dee哥)、伍允龍(Philip)、蔡思韵主演的電影《武替道》在今日(9月12日)推出電影主海報、正式預告,以及最新的電影製作特輯:「演員篇」,幾位主角率先披露戲中重要場面。
阿謙今次戲中飾演一位對港產動作片,充滿熱誠的年輕武師李世龍,戲中自然要應付多場動作戲,當中一場就挑戰在油麻地鬧市拍攝槍戰。
武替道丨董瑋相隔7年出山幕前演出 劉俊謙伍允龍《九龍城寨之圍城》後再現身手
感謝武師團隊
對於當日武師團隊的效率,阿謙表示極為欣賞:「電影預算所限,嗰朝基本上好短時間就完成一整場槍戰戲,一個上晝就拍咗差唔多超過100個鏡頭,好難忘嘅係自己從未試過喺咁短時間內完成,成個拍攝進度、速度要更快,但係動作指導海哥(江道海)好好,手足又好清楚自己要啲咩,自己就好努力跟住去執行。」
為電影任武指的江道海坦言zb2拍攝這場槍戰,與時間競賽,他特別感謝一眾手足:「因為拍攝周期只有一日可以拍,但係嗰場戲又確實需要好多鏡頭嚟表達,雖然動作唔係好複雜,但係中間又有路人走位又有槍戰動作,係需要好嘅配合,唯一好處就係我哋當日嘅演員除咗主演之外,都係用咗武師嚟演出,而我哋喺拍攝之前就去到現場多次綵排,肯定每一個人都知道自己當日要做嘅嘢,所以可以喺咁短嘅時間完成呢一場戲。非常好彩嘅就係我哋連汽車撞裝修架,都係能夠一take完成,而且冇人受傷。」
阿謙克服恐懼拍跳樓戲
另一場令阿謙難忘的戲份就有6層高的跳樓戲,拍攝時都有點膽戰心驚:「我本身就冇畏高,但企上6樓拍攝都有啲怯,因為就算有『威亞』(wire)吊住,始終自己人生都冇試過企喺大廈嘅邊邊,望住樓下咁高然後之後自己要跳落去。」
阿謙成功克服恐懼,更連拍幾次跳樓場面,他指最辛苦是一班手足:「我就咁跳落去都係做少少跳樓反應,最難嘅反而係啲拉『威亞』嘅師兄,即係點樣放『威亞』啊,『威亞』放到去邊度要勒住拉啊。」
董瑋寶刀未老
戲中飾演「森哥」的Dee哥亦都挑戰自我拍攝跳樓戲,他跟阿謙不約而同認為最辛苦是一班拉「威也」的手足。今年踏入70歲的Dee哥透露拍攝前自己都有點怯,皆因這次是他28年來再度「吊威也」。
最後只需3take就完成拍攝,證明Dee哥寶刀未老,再次展現大師級的專業和實力,他表示:「喺條件有限之下,都無咩辦法去試或者夾啊,仲有一個原因,就係真係好『很』高啦,試一次驚一次啦咁,咁不如直接演啦咁樣。」
Dee哥又憶述上一次吊威也已經超過20年,當年擔任武指的他跟劇組到內地拍戲,臨時拉伕要被「吊威也」:「當時因為要拍一個比較複雜嘅鏡頭,要吊住『威亞』去拍攝要揸機 hand held(徒手持機拍攝),又因為係臨時決定去拍呢個鏡頭,而當時我哋器材方面,冇一啲叫做陀螺儀嘅物體,或者係而家較好嘅器材,咁就一定要有個攝影師吊喺空中拍,咁冇理由叫個攝影師上去㗎,咁就唯有我自己揸機,畀啲手足吊我上去拍啦。」
錢嘉樂看片後大讚
《武替道》向一直為香港影壇的前輩和從業員致敬,故日前舉行的群星友好場,就特意邀請一眾影壇好友,名人及一眾武師率先欣賞電影,包括:錢嘉樂、錢小豪、七師傅、余兒等。
本身武指出身的導演Albert及Herbert聯同Philip,以及一班有份參與電影的武師,在開場前表演小劇場娛賓。Philip熱血登場教訓戲院小流氓,加上連串精彩動作助慶,瞬間炒熱全場氣氛。
導演Albert現場提及香港過往動作電影的光輝成就,有賴這些幕後默默拼博的武師時,更感觸落淚,希望籍此片向他們致敬之餘亦希望觀眾多點認識這些幕後英雄。
身兼香港動作特技演員公會會長的錢嘉樂欣賞完電影後,大讚電影出色,被戲中的香港精神感動,亦憶起昔日拍片往事:「見到以前港產片嘅嘢,八九十年代嘅偷拍,當時嘅港產片好百厭!」
最新影片推介:邱芷微陳志忠專
HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5